امریکا میں گوگل کی زیر تعمیر عمارت سے کرین گرنے سے 4 افراد ہلاک ایکسپریس اردو

 واشنگٹن: امریکا میں گوگل سیٹل کیمپس میں تعمیراتی کاموں میں مشغول کرین سڑک سے گزرنے والی گاڑیوں پر گر گئی جس کے نتیجے میں 4 افراد ہلاک ہوگئے۔

بین الاقوامی خبر رساں ادارے کے مطابق امریکا میں ساؤتھ لیک یونین ضلع میں سڑک کنارے گوگل کیمپس کی بلند عمارت کی بالائی منزل میں تعمیراتی کام جاری تھا کہ اچانک بھاری بھرکم کرین سڑک سے گزرنے والی گاڑیوں پر گر گئی جس کے نتیجے میں 4 افراد ہلاک اور 3 زخمی ہوگئے۔

ریسکیو اداروں نے امدادی کاموں کا آغاز کرتے ہوئے کرین کو ہٹایا اور ہلاک و زخمی ہونے والوں کو گاڑیوں سے نکال کر اسپتال منتقل کیا۔ ہلاک ہونے والوں میں 2 کرین میں موجود اہلکار اور دو کارسوار ہیں جب کہ زخمی ہونے والوں میں ایک خاتون، اُن کا بچہ اور ایک 20 سالہ نوجوان شامل ہے۔

تعمیراتی کمپنی کے ترجمان کا کہنا ہے کہ کرین کا اوپر اُٹھنے والا حصہ گاڑی سے علیحدہ ہو کر عمارت کے ایک حصے کو توڑتے ہوئے سڑک پر گرا جس سے عمارت کے حصے کو بھی نقصان پہنچا۔ عمارت گوگل کے زیر استعمال تھی جس میں 150 فلیٹس بنے ہوئے تھے۔

The post امریکا میں گوگل کی زیر تعمیر عمارت سے کرین گرنے سے 4 افراد ہلاک appeared first on ایکسپریس اردو.

from ایکسپریس اردو http://bit.ly/2V2KcC4
via IFTTT