اسلام آباد: پاکستان تحریک انصاف کے رہنما بابر اعوان نے کہا ہے کہ مسلم لیگ (ن) میں مریم نواز گروپ کی طرف سے شہباز شریف مائنس ہیں۔
سپریم کورٹ اسلام آباد کے باہر صحافیوں سے غیررسمی گفتگو کرتے ہوئے تحریک انصاف کے رہنما بابراعوان نے کہا کہ لندن پلان میں ن لیگ نے نوازشریف کو خود مائنس ون کہا جب کہ مریم گروپ کی طرف سے شہباز شریف مائنس ون ہے، تاہم پی ٹی آئی پانچوں ملزمان کو احتساب کے کٹہرے میں کھڑا کرنے کی جدوجہد کرے گی۔
بابر اعوان نے کہا کہ این آر او شریف خاندان کے اندر ہی ہوگا، لندن پلان کے مطابق احتساب عدالت کے باہر لاکھوں لوگ لانے میں 48 گھنٹے رہ گئے ہیں، عدالت آل شریف کے نام ای سی ایل میں ڈالے اور امید ہے نوازشریف فوری انصاف کے لیے ملک میں ہی قیام کریں گے۔
پی ٹی آئی رہنما نے مزید کہا کہ قوم شیروں کی بہادری دیکھنے کی منتظر ہے جو بہت جلد الیکشن سے بھاگتے نظرآئیں گے، فوری انتخاب سے شیر کومقبولیت کا پول کھلنے کاڈر ہے اور آئینی بحران کے خاتمے کے لیے قبل ازوقت انتخابات واحد راستہ ہے۔
The post مریم نواز گروپ کی طرف سے شہبازشریف (ن) لیگ سے مائنس ہیں، بابراعوان appeared first on ایکسپریس اردو.
from ایکسپریس اردو http://ift.tt/2htjht7
via IFTTT
No comments:
Post a Comment