لاہور: پنجاب میں اوبر اور کریم سمیت شیئر رائیڈنگ گاڑیوں کے لئے نئی پالیسی تیارکرلی گئی ہے جس کے تحت نجی گاڑیوں کے کمرشل ہونے سے کرایوں میں اضافہ ہوگا۔
ایکسپریس نیوز کے مطابق پنجاب میں اوبر اور کریم سمیت تمام آن لائن شیئر رائیڈنگ سروسز سے منسلک گاڑیوں کے لئے نئی پالیسی تیار کرلی گئی ہے، اس سلسلے میں پنجاب انفارمیشن ٹیکنالوجی بورڈ، محکمہ ٹرانسپورٹ اور محکمہ ایکسائز نے پالیسی تجاویز صوبائی حکومت کو ارسال کردیں جس کی منظوری بھی دے دی گئی ہے۔
نئی پالیسی کے تحت شیئررائیڈنگ گاڑیوں کے مالکان کو اپنی گاڑیوں کی کمرشل رجسٹریشن کروانا ہوگی اور ان گاڑیوں کا کمرشل ٹیکس بھی ادا کرنا ہوگا، یہ شیئر رائیڈنگ گاڑیاں عارضی طور پر کمرشل رجسٹرڈ ہوسکیں گی اور گاڑی کا مالک جب چاہے اس کی کمرشل رجسٹریشن ختم کرواسکے گا۔
اس خبرکو بھی پڑھیں: اسلام آباد میں آن لائن کیب سروسز کیخلاف احتجاج
شیئررائیڈنگ گاڑیوں کے کمرشل ہونے سے کرایوں میں اضافہ ہوگا اوراس اقدام سے شہریوں کو محفوظ ، آرام دہ اورسستے سفرکی سہولت مہنگی پڑجائے گی۔
واضح رہے کہ چند ماہ پہلے شیئرائیڈنگ گاڑیوں کے کمرشل استعمال کی بنیاد پرلاہور،کراچی اوراسلام آباد میں یہ سروسزمعطل کردی گئی تھیں۔
The post پنجاب میں اوبر اور کریم سے منسلک گاڑیوں کے لئے نئی پالیسی تیار appeared first on ایکسپریس اردو.
from ایکسپریس اردو http://ift.tt/2gRLx87
via IFTTT
No comments:
Post a Comment