واشنگٹن: امریکی صدرڈونلڈ ٹرمپ نے بین الاقوامی سطح پر پابندیوں کے باوجود شمالی کوریا کوتیل کی فراہمی جاری رکھنے پر چین کو دھمکی دے دی۔
امریکی صدرڈونلڈ صدرڈونلڈ ٹرمپ نے چین پر شمالی کوریا کو تیل سپلائی کرنے کا الزام لگاتے ہوئے کہا کہ چین شمالی کوریا کو تیل فراہم کرتے ہوئے رنگے ہاتھوں پکڑا گیا ہے، شمالی کوریا کو تیل کی سپلائی بین الاقوامی پابندیوں کی خلاف ورزی ہے، چین کی جانب سے خلاف ورزی شمالی کوریا کے مسئلے کا دوستانہ حل نہیں ہے جس سے امریکا کا رویہ مزید سخت ہوسکتا ہے۔
ڈونلڈ ٹرمپ نے کہا کہ چین شمالی کوریا کے حوالے سے ہماری مدد نہیں کرتا تواس کے خلاف وہ تمام اقدامات عمل میں لائے جاسکتے ہیں جن کے بارے میں امریکا پہلے ہی آگاہ کرچکا ہے۔ دوسری جانب چین نے شمالی کوریا کو تیل کی سپلائی جاری رکھنے کے الزامات کی تردید کردی ہے۔
اس سے قبل بھی امریکا بارہا تنبیہہ کرچکا ہے کہ چین، شمالی کوریا کو میزائل تجربات سے روکنے میں امریکا کی مدد نہیں کررہا۔
واضح رہے کہ 2017 کے دوران شمالی کوریا نے ایٹم بموں کے علاوہ کئی بیلسٹک میزائلوں کے بھی کامیاب تجربات کرتے ہوئے امیریکا کو براہ راست دھمکی دی ہے۔
The post شمالی کوریا کو تیل کی فراہمی پر امریکا نے چین کو دھمکی دے دی appeared first on ایکسپریس اردو.
from ایکسپریس اردو http://ift.tt/2EelSRp
via IFTTT
No comments:
Post a Comment