بٹ کوائن کا استعمال حرام ہے، مفتیٴ اعظم مصر ایکسپریس اردو

قاہرہ: مصر کے مفتیٴ اعظم شوقی ابراہیم عبدالکریم نے ڈیجیٹل کرنسی ’’بٹ کوائن‘‘ (BitCoin) کے استعمال کو حرام قرار دے دیا ہے۔

مصر کے مفتیٴ اعظم شوقی ابراہیم عبدالکریم نے فتویٰ دیا ہے جس کے مطابق انٹرنیٹ کے ذریعے (آن لائن) لین دین اور سرمایہ کاری میں استعمال ہونے والی کرنسی ’’بٹ کوائن‘‘ حرام ہے۔ فتوے میں کہا گیا ہے کہ بٹ کوائن کے ذریعے خریداری اور لین دین میں نقصان سمیت کئی حوالوں سے اس کا استعمال شریعت میں جائز نہیں۔

اس خبر کو بھی پڑھیں: خبردار! بٹ کوائن میں سرمایہ کاری آپ کو کنگال کردے گی

مفتیٴ اعظم شوقی ابراہیم عبدالکریم نے کہا ہے کہ سائبر کرنسی ہونے کی وجہ سے کوئی بھی بہ آسانی دھوکے کا شکار ہوسکتا ہے۔ اس کے علاوہ قیمتوں میں تیزی سے اتار چڑھاؤ کے باعث کسی بھی شخص اور قوم کو نقصان پہنچ سکتا ہے۔

اس خبر کو بھی پڑھیں: بٹ کوائنز کے ذریعے منی لانڈرنگ کا انکشاف

واضح رہے کہ بٹ کوائن ایک ایسی کرنسی ہے جس کا حقیقت میں کوئی وجود نہیں بلکہ یہ صرف انٹرنیٹ کے ذریعے (آن لائن) لین دین اور سرمایہ کاری ہی میں استعمال ہوتی ہے۔ علاوہ ازیں یہ کسی ملک کی سرکاری کرنسی بھی نہیں جبکہ دنیا کے بیشتر بینک بٹ کوائن کو بطور کرنسی قبول ہی نہیں کرتے۔ اس کے باوجود آج دنیا بھر میں کرپٹو کرنسیز کا مجموعی حجم 600 ارب امریکی ڈالر سے زیادہ ہوچکا ہے جبکہ دنیا بھر میں اس وقت 1000 سے زیادہ مختلف کرپٹو کرنسیز موجود ہیں۔

The post بٹ کوائن کا استعمال حرام ہے، مفتیٴ اعظم مصر appeared first on ایکسپریس اردو.

from ایکسپریس اردو http://ift.tt/2C7OxpT
via IFTTT