اسلام آباد ہائی کورٹ نے ملک بھر کے 8 اضلاع کی حلقہ بندیاں کالعدم قرار دے دیں۔
ایکسپریس نیوز کے مطابق اسلام آباد ہائی کورٹ میں حلقہ بندیوں کے خلاف جسٹس عامر فاروق نے درخواستوں پر فیصلہ سنادیا۔ عدالتی فیصلے میں ملک بھر کے 8 اضلاع کی حلقہ بندیاں کالعدم قرار دیتے ہوئے الیکشن کمیشن کو ازسر نو قواعد کے مطابق اضلاع میں حلقہ بندیاں کرنے کا حکم دیا گیا ہے جب کہ نئی حلقہ بندیاں کرتے ہوئے ہر نشست پر آبادی کا تناسب مدنظر رکھنے کی ہدایت بھی کی گئی ہے۔
یہ بھی پڑھیں: نئی حلقہ بندیاں اور آئینی تقاضے
جن علاقوں کی حلقہ بندیاں کالعدم قرار دی گئیں ان میں بہاولپور، رحیم یار خان، جھنگ، جہلم، چکوال، ٹوبہ ٹیک سنگھ، لوئر دیر اور بٹگرام شامل ہیں۔
واضح رہے کہ حلقہ بندیوں کے خلاف اسلام آباد ہائی کورٹ میں 108 درخواستیں زیرسماعت ہیں جن میں سے ہائی کورٹ نے 40 سے زائد درخواستوں پر فیصلہ سنایا۔
The post ملک بھر کے 8 اضلاع کی حلقہ بندیاں کالعدم قرار appeared first on ایکسپریس اردو.
from ایکسپریس اردو https://ift.tt/2kvJdp4
via IFTTT
No comments:
Post a Comment