افغانستان میں سیکیورٹی فورسز کی کارروائی میں 9 شہری جاں بحق ایکسپریس اردو

کابل: افغانستان کے صوبے ننگر ہار میں سیکیورٹی فورسز کی کارروائی میں 9 معصوم شہری جاں بحق ہوگئے ہیں۔

بین الاقوامی خبر رساں کے مطابق افغان فورسز کی فائرنگ سے 9 شہری اپنی جانوں سے چلے گئے جب کہ 8 افراد زخمی ہو گئے ہیں۔ افغان فوج نے فائرنگ کو غلطی قرار دیا۔ صوبے ننگر ہار میں سیکیورٹی فورسز نے ایک ایسے گھر کو نشانہ بنایا جس میں کوئی دہشت گرد نہیں بلکہ عام شہری مقیم تھے۔ افغان سیکیورٹی اہلکاروں نے مکان سے فائرنگ کی آواز کا شبہ ہونے پر حملہ کردیا۔

ننگر ہار انتظامیہ کی جانب سے جاری کردہ بیان میں کہا گیا ہے کہ سیکیورٹی فورسز کی فائرنگ سے معصوم شہریوں کی ہلاکت کی تحقیقات کا آغاز کردیا ہے۔ اس آپریشن میں مرنے والوں میں افغان سینیٹ کے اسپیکر ’فضل ہادی مسلم یار ‘ کے رشتے دار بھی شامل ہیں۔ واقعے میں کسی دہشت گرد کے مارے جانے کی کوئی اطلاع نہیں ہے۔

واضح رہے کہ افغانستان میں رواں برس خود کش حملوں، فائرنگ اور جھڑپوں کے دوران 763 عام شہری ہلاک اور 15 سو کے قریب زخمی ہوئے ہیں جب کہ سیکیورٹی اہلکاروں اور جنگجوؤں کی تعداد اس کے علاوہ ہے۔

The post افغانستان میں سیکیورٹی فورسز کی کارروائی میں 9 شہری جاں بحق appeared first on ایکسپریس اردو.

from ایکسپریس اردو https://ift.tt/2H1Glcr
via IFTTT