واشنگٹن: امریکی صدر ڈونلڈ ٹرمپ نے عالمی مارکیٹ میں تیل کی بڑھتی ہوئی قیمت کو کنٹرول کرنے کے لیے سعودی عرب سے تیل کی پیداوار بڑھانے کی ضرورت پر زور دیا ہے۔
امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے ایک پیغام میں کہا ہے کہ عالمی مارکیٹ میں تیل کی قیمت میں تیزی سے اضافہ ہورہا ہے، مسئلے پر قابو پانے کے لیے سعودی فرما نروا شاہ سلمان سے ٹیلی فون پر بات چیت ہوئی، ان سے تیل کی پیداوار میں یومیہ 20 لاکھ بیرل تک اضافہ کرنے کی درخواست کی ہے تاکہ ایران اور وینزویلا پر پابندی کے باعث پیدا ہونے والے تیل کے بحران کو پورا کیا جا سکے۔
امریکی صدر ڈونلڈ ٹرمپ کی رائے سے اتفاق کرتے ہوئے سعودی فرمانروا شاہ سلمان نے تیل کی پیداوار میں اضافہ کرنے کے لیے حامی بھر لی۔ امریکی صدر اور سعودی فرماں رواں کے درمیان اتفاق رائے کے بعد امید ہو چلی ہے کہ عالمی مارکیٹ میں تیل کی طلب پوری ہوجائے گی اور یوں تیل کی بڑھتی ہوئی قیمتوں پر قابو پالیا جائے گا۔
واضح رہے کہ گزشتہ ہفتے عالمی مارکیٹ میں تیل کی قیمتوں میں اضافہ دیکھنے میں آیا تھا جس کی بنیادی وجہ ایران پر اقتصادی پابندیاں اور وینزویلا میں جاری شورش تھی۔ عالمی مارکیٹ میں تیل کی قیمتوں میں اضافے کے اثرات پاکستان میں بھی دیکھے جا سکتے ہیں، نگراں حکومت نے پٹرول قیمتوں میں 7 روپے 57 پیسے اضافے کا اعلان کیا ہے۔
The post امریکی صدر ٹرمپ کی سعودی فرمانروا سے تیل کی پیداوار بڑھانے کی درخواست appeared first on ایکسپریس اردو.
from ایکسپریس اردو https://ift.tt/2KArTxX
via IFTTT
No comments:
Post a Comment