نیو یارک: وزیراعظم عمران خان نے کہا کہ افغانستان میں امن ہماری حکومت کا اہم وژن ہے اورچاہتے ہیں افغان امن عمل کے لیے مزاکرات جلد بحال ہوں۔
وزیراعظم عمران خان سے زلمے خیل زاد کی ملاقات ہوئی۔ ملاقات میں افغان امن عمل پرپاکستان اورامریکی مشترکہ کوششوں پر بات چیت کی گئی جب کہ وزیراعظم نے افغانستان کے پر امن حل کے لیے زلمے خلیل زاد کی کوششوں کو سراہا۔
وزیراعظم نے کہا کہ پاکستان کا ہمیشہ موقف رہا ہے کہ افغانستان کے مسئلے کا حل فوجی حل نہیں، پاکستان افغانستان میں پائیدارامن کے لیے اپنی کوششیں جاری رکھے گا، چاہتے ہیں افغان امن عمل کے لیے مزاکرات جلد بحال ہوں، افغانستان میں حالیہ واقعات کی شدید مذمت کرتے ہیں افغانستان میں امن ہماری حکومت کا اہم وژن ہے، خطے میں امن اور معاشی ترقی کے لیے ہمسایوں کا پر امن ہونا ضروری ہے، تمام فریقین امن کی بحالی کے لیے ذمہ داری کے طور پر اپنا کردار ادا کریں۔
وزیراعظم زلمے خلیل زاد نے افغان امن عمل کے لیے وزیراعظم عمران خان کی کوششوں کو سراہا اور کہا کہ افغانستان میں امن اور استحکام کے لیے پاکستان کے ساتھ مل کر کام کرتے رہیں گے۔
اس سے قبل وزیر اعظم عمران خان سے امریکا میں مقیم کشمیریوں کے نمائندہ وفد کی ملاقات ہوئی۔ وفد میں ڈاکٹر غلام نبی فائی ، ڈاکٹر غلام میر، ڈاکٹر خالد قاضی ، امتیاز خان، عبدالروف میر، سردار سرور خان اور دیگر شامل تھے ۔ وفد نے مقبوضہ کشمیر میں ابتر صورتحال کو عالمی سطح پربھرپور طرح سے اجاگر کرنے پر وزیر اعظم کا شکریہ ادا کیا۔ وفد میں ان مظلوم کشمیریوں کے قریبی رشتہ دار بھی موجود تھے جو اس وقت مقبوضہ جموں و کشمیر میں زیر حراست ہیں یا جن سے کوئی رابطہ نہی ہو پا رہا۔ وفد نے وزیر اعظم کو مقبوضہ جموں و کشمیر کی ابتر صورتحال سے آگاہ کیا۔ وزیر اعظم نے وفد کو یقین دلایا کے وہ ہر سطح پر مظلوم کشمیریوں کی آواز بلند گریں گے ۔ وزیراعظم نے کہا کہ میں کشمیریوں کو کا پوری دنیا میں سفیر بنوں گا۔
The post چاہتے ہیں افغان امن عمل کے لیے مزاکرات جلد بحال ہوں، وزیراعظم appeared first on ایکسپریس اردو.
from ایکسپریس اردو https://ift.tt/2LLgg7n
via IFTTT
No comments:
Post a Comment