اسلام آباد: وفاقی کابینہ نے امریکا میں پاکستان کے مفادات کے دفاع کے لئے حاصل کی گئی لابیئسٹ اور پی آر فرمز کی کارکردگی پر شدید خدشات اور تحفظات کا اظہار کیا ہے تاہم تمام ترخدشات اور تحفظات کے باوجود کابینہ نے ان فرموں کیلیے وزارت خارجہ کی جانب سے بھیجی گئی 24 کروڑ ساٹھ لاکھ روپے کی سمری کی منظوری دے دی۔
ذرائع کے مطابق وزارت خارجہ نے اپنے جواب میں لکھا ہے کہ ان فرمز کو مقابلے کے بعد منتخب کیا گیا تھا اوران کی کارکردگی کو ہر 3ماہ بعد چیک کیا جاتا ہے اور اگر وہ پاکستان کے مفادات کے تحفظ اور ضرورت کے مطابق ہیں تو ان کے ساتھ معاہدہ برقرار رہے گا وگرنہ یہ معاہدہ منسوخ کردیا جائے گا۔
وزارت خارجہ کی یقین کے بعد وفاقی کابینہ نے ای سی سی کے28 اگست کے فیصلے کی توثیق کر دی اور 246 ملین روپے جاری کرنے کی منظوری دے دی۔ کابینہ نے وزارت خارجہ کو ہدایت کی ہے کہ ان فرمز کی سہہ ماہی رپورٹ پیش کی جائے۔
دفتر خارجہ کے ذرائع کا کہنا ہے کہ ہر ملک اپنے مفادات کے تحفظ کے لیے پرائیویٹ لابنگ فرمزکو ہائر کرتا ہے اور پاکستان نے بھی طویل وقفہ کے بعد اپنے مفادات کے لیے خدمات حاصل کی ہیں اور اگر پاکستان کی حکومت کا رکردگی سے مطمئن نہ ہوئی تو فیصلہ واپس لے لیا جائے گا۔
The post امریکا میں ہائر کی گئی لابیئسٹ فرمز پرکابینہ کے تحفظات appeared first on ایکسپریس اردو.
from ایکسپریس اردو https://ift.tt/2pMXyDI
via IFTTT
No comments:
Post a Comment