آج کا دن کیسا رہے گا ایکسپریس اردو

حمل:
21مارچ تا21اپریل

خوشیاں منایئے کہ خطرات ٹل گئے آسمان مسرت پر چھائے ہوئے سیاہ بادل خود بخود چھٹ گئے اور اب امیدوں بھرا سورج ہر طرف اجالا ہی اجالا بکھیر دے گا۔

ثور:
22 اپریل تا 20 مئی

نئی ملازمت کے سلسلے میں ہونے والی کاوشیں کامیاب ہو سکتی ہیں مکان یا پلاٹ کا الجھا ہوا مسئلہ حسب مرضی حل ہو سکتا ہے، اپنے جذبات کو کنٹرول میں رکھنے کی کوشش کریں۔

جوزا:
21 مئی تا 21جون

ہمیں یقین ہے کہ آپ کی کوشش رائیگاں نہیں جائے گی اور آپ اپنے گھریلو نظام کو درست رکھنے میں کامیاب ہو جائیںگے، ملازمت کرنے والے حضرات محتاط رہیں۔

سرطان:
22جون تا23جولائی

چند اہم گھریلو امور کے سلسلے میں مایوسی کا سامنا کرنا پڑ سکتا ہے اگر آپ کی اولاد جوان ہے تو ان پر سیاسی انداز سے قابو پانے کی کوشش کریں۔

اسد:
24جولائی تا23اگست

ہم حالات کا تجزیہ کرنے کے بعد یہ رائے ضرور دیں گے کہ واقعات اگر کوئی غلط رخ بھی اختیار کر جائیں پھر بھی صبر و تحمل کا دامن ہاتھ سے نہ چھوڑیں حالات بفضل خدا بہتر ہو سکیں گے۔

سنبلہ:
24اگست تا23ستمبر

قریبی عزیزوں کے ساتھ بھی تعلقات بہتر رہیں گے، اخراجات کی زیادتی کے سبب مالی مشکلات کا سامنا کرنا پڑ سکتا ہے، شریک حیات کیساتھ بھی تھوڑا سا اختلاف کسی بھی بنا پر ہو سکتا ہے۔

میزان:
24ستمبر تا23اکتوبر

مزاج کی بے مقصد اور ہر وقت بھڑکتی ہوئی آگ کو ٹھنڈا رکھنے کی کوشش کریں وگرنہ باقی رہ جانے والی خوشیاں بھی راکھ ہو سکتی ہیں، یہ آتش مزاجی آپ کیلئے نقصان دہ ہے۔

عقرب:
24اکتوبر تا22نومبر

مکان کی تبدیلی خوشگوار نتائج کی حامل بن سکتی ہے، بہت زیادہ احتیاط کرنے کی کوشش کریں کوئی شخص آپ کو غلط راستے پر چلنے کی ترغیب دے سکتا ہے۔

قوس:
23نومبر تا22دسمبر

اپنی اسکیم کا ایک بار پھر اچھی طرح سے جائزہ لے لیں تاکہ کوئی خامی نہ رہے اگر کاروبار میں آپ کا کوئی ساتھی بننا چاہے تو بے دھڑک بنا لیں، سفر نزدیکی شوق سے کریں۔

جدی:
23دسمبر تا20جنوری

صلاحیتوں پر حسب سابق زنگ چڑھا رہے گا ، آپ خواہ مخواہ دوسروں سے الجھنے کی کوششوں میں مصروف رہیں گے، بہتر یہی ہے کہ خود کو قابو میں رکھنے کی کوشش کریں۔

دلو:
21جنوری تا19فروری

گھریلو ماحول خاصا خوشگوار رہے گا غلط فہمیوں کا ازالہ کافی حد تک ہو سکے گا، محبت کے سلسلے میں کوئی اہم تبدیلی ہو سکتی ہے، کسی سے لڑائی جھگڑا ہرگز نہ کریں۔

حوت:
20 فروری تا 20 مارچ

ابھی اپنے دوستوں کو قابل اعتبار نہ سمجھیں ان معاملات کو راز ہی رہنے دیں جن کا راز رہنا ضروری ہے بسلسلہ اولاد خوشی حاصل ہو سکتی ہے، نزدیکی سفر وسیلہ ظفر ثابت ہو سکتا ہے۔

The post آج کا دن کیسا رہے گا appeared first on ایکسپریس اردو.

from ایکسپریس اردو https://ift.tt/2P7uSyN
via IFTTT