لاہورمیں زیر تعمیر مکان سے 14سالہ بچے کی گلا کٹی لاش برآمد ایکسپریس اردو

 لاہور: تھانہ برکی کی پیرا گون سوسائٹی میں زیر تعمیر مکان سے 14 سالہ بچے کی گلا کٹی تشدد زدہ لاش برآمد ہوئی ہے۔

ایکسپریس نیوز کے مطابق لاش کی شناخت 14 سالہ طلحہ کے نام سے ہوئی جو فیصل آباد کا رہائشی ہے اورلاہور کی پیراگون سوسائٹی میں اپنے ماموں کے گھر آیا ہوا تھا۔ اہل خانہ کے مطابق طلحہ کھیلتے ہوئے اپنے دوست کی عینک لے کر بھاگا اور واپس نہیں آیا۔

اس بارے میں پولیس کا کہنا ہے کہ بچہ جب کافی دیر تک واپس نہیں آیا تو گھر والوں نے تلاش  شروع کردی اور قریب ہی زیر تعمیر مکان نے 14 سالہ طلحہ کی لاش برآمد ہوئی۔ پولیس کا کہنا ہے کہ مقتول کو کسی تیز دھار آلے سے قتل کیا گیا ہے جب کہ جسم پر تشدد کے نشانات بھی ہیں۔ جائے وقوعہ سے شواہد اکٹھے کرلیے ہیں، تاہم پوسٹ مارٹم کے بعد مزید حقائق سامنے آئیں گے۔

The post لاہورمیں زیر تعمیر مکان سے 14سالہ بچے کی گلا کٹی لاش برآمد appeared first on ایکسپریس اردو.

from ایکسپریس اردو https://ift.tt/39mOyso
via IFTTT