اسلام آباد: وفاقی دارالحکومت کے نجی ہوٹل میں پاکستان پیپلزپارٹی کے رہنماؤں نے افطار پارٹی سے کچھ دیر قبل تحریک انصاف حکومت کی حمایت کرنے پر تشدد کا نشانہ بنا ڈالا۔
ایکسپریس نیوز کے مطابق پی ٹی آئی کے منحرف رہنماء نور عالم خان، فیصل کریم کنڈی، مصطفی نواز کھوکھر اور ندیم افضل چن کو دیکھ بزرگ شہری نے طنز اور طعیش دلایا جس پر پیپلزپارٹی وفد کی جانب سے کارکن کو سمجھایا گیا مگر کارکن کی جانب سے نامناسب الفاظ کہے گئے، جس پر مصطفی نواز کھوکھر نے پی ٹی آئی کارکن کو مکا دے مارا۔
سوشل میڈیا پر سامنے آنے والی ویڈیو میں نور عالم خان کو بزرگ شہری پر تشدد کرتے ہوئے دیکھا جاسکتا ہے جبکہ واقعے کو فوری طور پر روکنے کے لیے عملے اور وہاں موجود لوگوں نے بچ بچاؤ کروایا۔
دوسری جانب ہوٹل میں نور عالم خان کے ساتھ شہری کی جانب سے بدتمیزی کا معاملے پر تھانہ سکرٹریٹ میں شہری کے خلاف درخواست جمع کروادی ہے۔ جس میں کہا گیا ہے کہ میں اپنے دوستوں کے ساتھ ہوٹل میں افطاری کے لئے گیا، میرے ہمراہ سینیٹر مصطفی نواز کھوکھر، ندیم افضل چن اور فیصل کریم کنڈی تھے۔ ایک نامعلوم شخص نے گالم گلوچ شروع کر دی اور جان سے مارنے کی دھمکی دی۔
درخواست کے متن میں مزید کہا گیا ہے کہ ہم نے اسے اگنور کیا اور افطار کے لئے کھانا لینے اٹھے تاہم دوبارہ اس شخص نے گالیاں اور دھمکیاں دینا شروع کردی۔ ہم نے اس شخص کو سمجھانے کی کوشش کی تاہم اس نے حملہ کردیا، شرپسند عناصر کے خلاف قانونی کارروائی کی جائے۔
The post اسلام آباد کے نجی ہوٹل میں جھگڑا، پی پی رہنما نے پی ٹی آئی کارکن کے منہ پر مکا مار دیا appeared first on ایکسپریس اردو.
from ایکسپریس اردو https://ift.tt/vNA1wi9
via IFTTT
No comments:
Post a Comment