Monday, December 31, 2018
روس میں رہائشی عمارت میں دھماکا، 3 افراد ہلاک اورمتعدد ملبے تلے دب گئے ایکسپریس اردو
ماسکو: روس کے صنعتی علاقے میں واقع ایک رہائشی عمارت میں زوردار دھماکا ہوا جس کے نتیجے میں 3 افراد ہلاک جب کہ 79 افراد کے ملبے تلے دبے ہونے کا خدشہ ہے۔
بین الاقوامی خبر رساں ادارے کے مطابق جنوبی روس کے صنعتی شہر کی رہائشی عمارت میں زوردار دھماکا ہوا جس کے نتیجے میں عمارت ملبے کا ڈھیر بن گئی۔ ملبے سے 3 لاشیں نکالی جاچکی ہیں جب کہ دیگر 79 لاپتہ ہیں۔
دھماکے کی اطلاع ملتے ہی امدادی ٹیم کو جائے وقوعہ پر روانہ کردیا گیا، 469 امدادی کارکن طبی کاموں میں مصروف ہیں، 79 افراد کے تاحال ملبے تلے دبے ہونے کا خدشہ ظاہر کیا جارہا ہے۔
ریسکیو اداروں نے کسی ممکنہ ہنگامی صورت حال کے خدشے کے پیش نظر آس پاس کی عمارتوں کو خالی کرالیا ہے۔ بھاری مشینری کے ذریعے ملبے کو ہٹانے کا کام جاری ہے۔ قریبی اسپتال میں ایمرجنسی نافذ کردی گئی ہے۔
پولیس کا کہنا ہے کہ پہلی ترجیح امدادی کام ہیں، دھماکے کی نوعیت اور وجہ کا تعین نہیں کیا جا سکا ہے۔ ابھی تحقیقات جاری ہیں، تاہم ممکن ہے کہ دھماکا گیس لیکیج کے باعث ہوا ہو۔
روسی صدر ولا دی میر پوٹن نے وزیر صحت کو امدادی کاموں کی نگرانی کے لیے روانہ کرتے ہوئے افسوس ناک واقعے میں ہلاک ہونے والوں کے لواحقین سے تعزیت کی ہے۔
The post روس میں رہائشی عمارت میں دھماکا، 3 افراد ہلاک اورمتعدد ملبے تلے دب گئے appeared first on ایکسپریس اردو.
from ایکسپریس اردو http://bit.ly/2EUBcWp
via IFTTT
فیس بک نے کشمیری اخبارات کے پیجز کو بند کردیا ایکسپریس اردو
سری نگر: فیس بک انتظامیہ نے بھارتی پروپیگنڈے کا شکار ہو کر کشمیری اخبارات کے پیجز کو بلاک کردیا۔
کشمیر میڈیا سیل کے مطابق سری نگرسے شائع ہونے والے اخبار Kashmiri Horizon سمیت 4 اخباروں کے فیس بک پیجز کو بلاک کردیا گیا ہے۔
کشمیری اخبارات کے پیجز کو بلاک کرنے پر فیس بک نے موقف اختیار کیا کہ یہ اخبارات فیس بک کے قوانین کی خلاف ورزی کے مرتکب نہیں ہوئے تاہم ان صفحات کو مقامی انتظامیہ کی شکایت پر بند کیا گیا ہے۔
کشمیری اخبارات کے مالکان کی بار بار درخواست کے باوجود فیس بک نے پیجز بحال نہیں کیے جس پر اخبار مالکان نے مقامی انتظامیہ کے سامنے بھی اپنا موقف پیش کیا لیکن تاحال کوئی پیش رفت نہیں ہوسکی ہے۔
بھارت نواز کٹھ پتلی انتظامیہ نے سیکیورٹی فورسز کے مظالم کو چھپانے کے لیے کشمیری اخبارات کے خلاف جھوٹی شکایتیں درج کرائیں جس پر بنا تصدیق کیے فیس بک انتظامیہ نے ان پیجز کو بند کردیا۔
واضح رہے کہ فیس بک کی جانب سے مقامی انتظامیہ کی شکایت پر صحافت کا مقبول پیج ’ فری پریس کشمیر‘ کو بھی بند کردیا تھا تاہم 48 گھنٹے بعد فیس بک انتظامیہ نے اس پیج کو بحال کردیا۔
The post فیس بک نے کشمیری اخبارات کے پیجز کو بند کردیا appeared first on ایکسپریس اردو.
from ایکسپریس اردو http://bit.ly/2F21kzo
via IFTTT
فلپائن کے شاپنگ مال میں دھماکا، 2 افراد ہلاک اور 23 زخمی ایکسپریس اردو
منیلا: فلپائن کے لگژری شاپنگ مال کے نزدیک دھماکے میں 2 افراد ہلاک اور 23 زخمی ہوگئے۔
بین الاقوامی خبر رساں ادارے کے مطابق فلپائن کے جزیرے منڈاناؤ کے شہر کوتاباتو میں واقع ایک شاپنگ مال کے باہر زوردار دھماکا ہوا جس کے نتیجے میں 2 افراد ہلاک اور 23 زخمی ہوگئے ۔
دھماکے سے شاپنگ پلازہ کی عمارت کو نقصان پہنچا اور پارکنگ میں کھڑی گاڑیاں تباہ ہوگئیں۔ زخمیوں کو قریبی اسپتال منتقل کردیا گیا ہے جہاں 3 کی حالت نازک بتائی جارہی ہے۔
پولیس کا کہنا ہے کہ دھماکا ریمورٹ کنٹرول ڈیوائس سے کیا گیا جسے شاپنگ پلازہ کے نزدیک نصب کیا گیا تھا۔ دھماکا لوگوں کی بڑی تعداد جمع ہونے کے وقت کیا گیا۔
پولیس نے ابتدائی شواہد جمع کر کے تحقیقات کا آغاز کردیا ہے، تاحال کسی انتہا پسند گروپ نے دھماکے کی ذمہ داری قبول نہیں کی ہے تاہم خیال ظاہر کیا جا رہا ہے کہ سال نو کی تقریبات کو سبوتاژ کرنے کے لیے دھماکا کیا گیا۔
واضح رہے فلپائن کے چند جزیروں کو ہلاکت خیز طوفان کا سامنا ہے جس میں تاحال 68 افراد لقمہ اجل بن گئے ہیں جب کہ سیکڑوں افراد زخمی ہیں اور لاشیں ملنے کا سلسلہ تاحال جاری ہے۔
The post فلپائن کے شاپنگ مال میں دھماکا، 2 افراد ہلاک اور 23 زخمی appeared first on ایکسپریس اردو.
from ایکسپریس اردو http://bit.ly/2EYyWxl
via IFTTT
کراچی میں موٹرسائیکل کی ڈبل سواری پرپابندی عائد ایکسپریس اردو
کراچی: محکمہ داخلہ سندھ نے شہر قائد میں موٹر سائیکل کی ڈبل سواری پر پابندی عائد کردی ہے۔
ایکسپریس نیوزکے مطابق نئے سال کی آمد پر کسی بھی حادثے کے پیش نظر محکمہ داخلہ سندھ نے کراچی میں موٹر سائیکل کی ڈبل سواری پر 2 روز کے لئے پابندی عائد کردی ہے اور اس کا باضابطہ نوٹی فکیشن بھی جاری کردیا گیا ہے۔
نوٹی فکیشن کے مطابق ڈبل سواری پر پابندی کا اطلاق فوری طور پر نافذ العمل ہوگا اور پابندی یکم جنوری کی صبح تک رہے گی، اس موقع پر ہوائی فائرنگ اور اسلحہ لے کر چلنے سمیت سال نو کی خوشی میں پٹاخوں پر بھی پابندی ہوگی۔
The post کراچی میں موٹرسائیکل کی ڈبل سواری پرپابندی عائد appeared first on ایکسپریس اردو.
from ایکسپریس اردو http://bit.ly/2Amti4S
via IFTTT
پی پی کے ارکان صوبائی اسمبلی مجھ سے رابطے میں ہیں، فواد چوہدری ایکسپریس اردو
اسلام آباد: وفاقی وزیر اطلاعات فواد چوہدری کا کہنا ہے کہ پاکستان پیپلزپارٹی کے ارکان صوبائی اسمبلی مجھ سے رابطے میں ہیں۔
اسلام آباد میں پریس کانفرنس کرتے ہوئے وفاقی وزیر اطلاعات فواد چوہدری نے کہا کہ جعلی اکاؤنٹس کا معاملہ 2016 سے وفاقی حکومت اور ایف آئی اے کے درمیان تھا، یہ کیسز تحریک انصاف کی حکومت نے نہیں بنائے، جے آئی ٹی نے بتایا کہ کس طرح لوگوں کا پیسہ لندن میں خرچ ہوتا رہا، جعلی اکاؤنٹس کے معاملے پر (ن) لیگ کیوں خاموش رہی، کچھ لو اور کچھ دو کی سیاست کا زمانہ ختم ہوگیا، نواز شریف اور زرداری کی سیاست دفن ہوچکی ہے۔
وزیر اطلاعات کا کہنا تھا کہ ہم اداروں کو کنٹرول کرنے پر یقین رکھتے ہیں، ہم نے تمام اداروں کو مضبوط کیا۔ سندھ کے عوام کا پیسہ لندن اور دبئی میں خرچ ہوتا رہا، غریبوں اور کسانوں کا پیسہ آصف زرداری کے اکاؤنٹ میں آتا رہا۔
فواد چوہدری نے کہا کہ وزرا میں سے کسی نے نہیں کہا کہ گورنر راج لگایا جارہا ہے، کچھ دنوں سے یہ تاثر دینے کی کوشش کی جا رہی تھی کہ وفاقی حکومت سندھ حکومت کا تختہ الٹنے جا رہی ہے، سندھ میں گورنر راج کی میڈیا پر خبریں چلتی آ رہی ہیں تاہم یہ خبریں بے بنیاد تھیں، ہم نے کبھی نہیں کہا کہ ہم سندھ حکومت بدلنے جارہے ہیں۔
The post پی پی کے ارکان صوبائی اسمبلی مجھ سے رابطے میں ہیں، فواد چوہدری appeared first on ایکسپریس اردو.
from ایکسپریس اردو http://bit.ly/2TeWule
via IFTTT
وزیراعلیٰ سندھ کے خلاف پی ٹی آئی کی تحریک التوا مسترد ایکسپریس اردو
کراچی: اسپیکر سندھ اسمبلی نے وزیراعلیٰ مراد علی شاہ کے خلاف پی ٹی آئی کی تحریک التوا مسترد کردی۔
سندھ اسمبلی میں وزیراعلیٰ مراد علی شاہ کے خلاف پاکستان تحریک انصاف کے رکن اسمبلی خرم شیر زمان نے تحریک التوا جمع کروائی جس کو اسپیکر سندھ اسمبلی نے ناقابل بحث قرار دیکر مسترد کردیا، اسپیکر سندھ اسمبلی نے کہا کہ تحریک التواء رول 88 سے متصادم ہے۔
واضح رہے کہ جے آئی ٹی میں نام آنے کے بعد حکومت نے آصف زرداری، بلال بھٹو اور مراد علی شاہ سمیت متعدد پی پی رہنماؤں کے نام ای سی ایل میں ڈالے تھے جس کے بعد پی ٹی آئی کی جانب سے وزیراعلیٰ سندھ سے استعفی کامطالبہ کیا جارہا ہے۔
The post وزیراعلیٰ سندھ کے خلاف پی ٹی آئی کی تحریک التوا مسترد appeared first on ایکسپریس اردو.
from ایکسپریس اردو http://bit.ly/2SuxAye
via IFTTT