Thursday, January 31, 2019
چین اور جامعہ کراچی میں واقع آئی سی سی بی ایس کے درمیان تحقیقی معاہدوں پر دستخط ایکسپریس اردو
کراچی: جامعہ کراچی میں واقع بین الاقوامی مرکز برائے کیمیائی و حیاتیاتی علوم (آئی سی سی بی ایس) اور چین کی دو معروف جامعات کے تحقیقی اداروں اسکول آف فارمیسی، ہونان یونی ورسٹی آف چائنیز میڈیسن اور ہونان ایگری کلچرل یونی ورسٹی کے تحت ہونان صوبے کی لیبارٹری آف فائٹو ہارمونز کے درمیان باہمی تحقیق کے معاہدوں پر دستخط ہوئے ہیں۔
معاہدوں کے تحت باہمی اشتراک کے ذریعے سائنس اور ٹیکنالوجی میں مشترکہ طور پر پیش رفت کرنی ہے۔ آئی سی سی بی ایس جامعہ کراچی کے ایک سینئر آفیشل کے مطابق بین الاقوامی مرکز اور چینی اداروں کے درمیان ان معاہدوں پر دستخط 25 تا 27 جنوری کو ڈاکٹر پنجوانی سینٹر فار مالیکیولر میڈیسن اینڈ ڈرگ ریسرچ کے تحت منعقدہ تین روزہ نویں ANRAP انٹرنیشنل سیمینار کے دوران ہوئے۔
ان معاہدوں پر دستخط آئی سی سی بی ایس جامعہ کراچی کے سربراہ پروفیسر ڈاکٹر محمد اقبال چوہدری، اسکول آف فارمیسی، ہونان یونی ورسٹی آف چائنیز میڈیسن کے ڈپٹی ایسوسی ایٹ ڈین پروفیسر ڈاکٹر ژن ہوا ژیا اور ہونان صوبے کی لیبارٹری آف فائٹو ہارمونز کے ڈائریکٹر پروفیسر ڈاکٹر لنگٹاو ژیاؤ نے ڈاکٹر پنجوانی سینٹر جامعہ کراچی میں منعقدہ ایک تقریب کے دوران کیے۔
اس موقع پروفیسر ڈاکٹر وی وینگ سمیت دیگر چینی اسکالر اور ان کے بین الاقوامی مرکز کے دیگر آفیشل بھی موجود تھے۔ پروفیسر اقبال چوہدری نے کہا کہ اس معاہدے کے تحت کیمیائی اور حیاتیاتی میدانوں میں مشترکہ تحقیقی کوششوں کو مزید فروغ دیا جائے گا، اس معاہدے سے پاکستان اورچین کے درمیان ثقافتی اور سائنسی تعاون کو مزید فروغ ملے گا۔
چینی اسکالروں کے وفد نے بین الاقوامی مرکز میں جدید تحقیقی سہولیات کی موجودگی کو سراہا۔ بعدِ ازاں چینی حکام و ماہرین نے بین الاقوامی مرکز کی تجربہ گاہوں کا دورہ بھی کیا۔ معاہدے میں دونوں اداروں کی سطح پر گریجویٹس کی مشترکہ تحقیقی و تعلیمی ہدایت بھی شامل ہے، دونوں ممالک کے درمیان سائنس دانوں اور تکنیکی ماہرین کا باہمی تبادلہ بھی کیا جائے گا تاکہ ماہرین کو سائنسی، تربیتی اور تحقیقی مواقع فراہم ہوسکیں۔
دونوں تعلیمی و تحقیقی ادارے ہر سال متعلقہ موضوعات پر مشترکہ ورکشاپ اور سیمینار کا انعقاد بھی کریں گے اور اس معاہدے کی مدت پانچ سال ہے۔
The post چین اور جامعہ کراچی میں واقع آئی سی سی بی ایس کے درمیان تحقیقی معاہدوں پر دستخط appeared first on ایکسپریس اردو.
from ایکسپریس اردو http://bit.ly/2Bd3ybs
via IFTTT
سونم کپور نے ’منا بھائی تھری‘ کیلیے انوکھی شرط رکھ دی ایکسپریس اردو
ممبئی: بالی ووڈ اداکارہ سونم کپور نے معروف فلم سیریز ’منا بھائی تھری‘ میں کام کرنے کے لیے انوکھی شرط رکھ دی۔
کئی دنوں سے بالی ووڈ میں ایک بار پھر منا بھائی تھری بنانے کی خبریں زیر گردش ہیں، فلم میکرز کی جانب سے اسکرپٹ پر باقاعدہ کام جاری ہے جس کی تصدیق فلم میں سرکٹ کا کردار ادا کرنے والے ارشد وارثی نے بھی کی تھی۔
فلم کے پروڈیوسر نے سونم کپور کی اداکاری سے متاثر ہو کر انہیں اس فلم میں شامل کرنے پر نظر ثانی شروع کردی ہے لیکن اداکارہ نے اس فلم میں شامل ہونے کی انوکھی شرط رکھ دی۔
بھارتی میڈیا کے مطابق اداکارہ سونم کپور نے فلم ’منا بھائی تھری‘ میں شامل کیے جانے کی خبر پر خیرمقدم کرتے ہوئے کہا کہ میں اس وقت یہ فلم کرنے کے لیے تیار ہوں لیکن میری ایک شرط یہ ہے کہ مجھے اس فلم میں مرکزی کردار دیا جائے اور دوسری بات یہ کہ فلم کا نام ’منا بھائی‘ سے تبدیل کرکے ’منی بین ‘ رکھا جائے۔
سونم کپور نے یہ بھی کہا کہ ایک وقت تھا جب میں سال میں ایک فلم کیا کرتی تھی لیکن گزشتہ سال دو سال سے مجھے کیا ہوا مجھے نہیں پتا لیکن اب میں جس فلم میں بھی کام کروں گی اس میں صرف مرکزی کردار ہی ادا کروں گی۔
یہ پڑھیں: ارشد وارثی نے ’منا بھائی 3‘ کی شوٹنگ سے متعلق پردہ اُٹھا دیا
واضح رہے کہ سنجے دت کی مشہور زمانہ فلم منا بھائی 2003ء میں ریلیز کی گئی جس کی مقبولیت کے بعد فلم کا پہلا سیکوئل 2006ء میں ریلیز ہوا تاہم طویل عرصے بعد فلم کا دوسرا سیکوئل سنیما گھروں کی زینت بننے جارہا ہے۔
The post سونم کپور نے ’منا بھائی تھری‘ کیلیے انوکھی شرط رکھ دی appeared first on ایکسپریس اردو.
from ایکسپریس اردو http://bit.ly/2DKHKFP
via IFTTT