صفائی وکچرے کی منتقلی میں کروڑوں کی بدعنوانی کا انکشاف ایکسپریس اردو

کراچی: سندھ سولڈ ویسٹ مینجمنٹ بورڈ کے افسران کی ملی بھگت سے صفائی اورکچرے کی ڈمپنگ سائٹ پر منتقلی کے کاموں میں مبینہ طور پر کروڑوں روپے کی بدعنوانی کا انکشاف ہوا،بورڈ کے قریبی ذرائع کے مطابق سندھ سولڈ ویسٹ مینجمنٹ بورڈ کے افسران کی ملی بھگت سے مبینہ طور پرسرکاری خزانے کو یومیہ بھاری نقصان پہنچایا جارہا ہے۔

ذرائع کے مطابق سولڈ ویسٹ کے اہلکاروں کی ملی بھگت سے کچرے کے ٹرپ کو 3 ٹرپس میں تبدیل کیا جارہا ہے،بلدیہ شرقی ، غربی ،ملیراور اولڈ سٹی ایریا میں کچرے کی صورتحال جوںکی توں ہے،بورڈ حکام کی ملی بھگت سے کاغذات میں یومیہ ہزاروں ٹن کچرا اٹھایا جارہا ہے،ذرائع کے مطابق ایک جانب بورڈ افسران کچرا اٹھانے کی آڑ میں مبینہ طور پر سرکاری خزانے کو نقصان پہنچا رہے ہیں تو دوسری طرف کروڑوں روپے کی گاڑیوں کا ناکارہ بنادیا گیا ، مبینہ طور پر خراب گاڑیوں کے بھی بل بنا کر سرکاری ریونیو ہڑپ کیا جارہا ہے،ذرائع کے مطابق گاڑیوں کی مرمت کے نام پر بھی مبینہ ماہانہ لاکھوں روپے کے بوگس بل بنائے جارہے ہیں ،ذرائع کے مطابق حکومت سندھ نے ضلع شرقی کی صفائی کچرے کی منتقلی کا کام بورڈ کو منتقل کرتے وقت ضلع شرقی کے محکمہ سینٹیشن کے 1800ملازمین کو تنخواہوں سمیت بورڈ منتقل کردیا تھا جن میں سے 700ملازمین رٹائرہوچکے ہیں یا انتقال کرچکے ہیں۔

حکومت سندھ ہر ماہ 1800ملازمین کی تنخواہ ضلع کے او زیڈ ٹی ٹیکس سے کاٹ کر بورڈ کو دے رہی ہے،بورڈ ضلع میں 1800کے بجائے ضلع میں صفائی کے لیے صرف500سے600ملازمین سے کام کرارہا ہے،حکومت سے گزشتہ ڈھائی سال سے1800ملازمین کی تنخواہ وصول کررہا ہے،واضح رہے کہ سندھ سولڈ ویسٹ مینجمنٹ بورڈ تین سال سے آپریشنل ہونے کے باوجود تاحال شہر بھر سے کچرا اٹھا کر لینڈ فل سائٹ تک پہنچانے میں ناکام ہوگیا نہ ہی سائنسی بنیادوں پر کچرا تلف کیا جارہا ہے اور نہ ہی مکمل طور کچرا لینڈفل سائٹ تک پہنچایا جارہا ہے۔

بلدیہ جنوبی اور بلدیہ شرقی سے ماہوار کروڑوں روپے کی ادائیگی کے باوجود مکمل کچرا نہ اٹھنا،سرکاری مشینری کو ناکارہ کرکے کھڑا کرکے سرکاری ڈرائیوروں کو بے کار بٹھاکر انھیں وعدے کے مطابق اضافی 25فیصد الاؤنس ادا نہ کرنے،جی ٹی ایس کو تین سال میں معاہدے کے مطابق تعمیر نہ کرنا،کچرے کو نالوں میں پھینکنے سے نہ روکنے کے موثر اقدامات نہ کرنا، تجربے کار عملے کے بجائے پرائیویٹ لوگوں سے کام کرانا، محکمے کی ناقص کارکردگی اور ماہانہ کروڑوں روپے کی بدعنوانی نے سندھ سالڈ ویسٹ مینجمنٹ بورڈ حکام کے کردار کو مشکوک بنا کر رکھ دیا،دوسری طرف سندھ سالڈ ویسٹ مینجمنٹ میں کی جانے والی بدعنوانیوں اور معاہدے کی خلاف ورزیوں پر سجن یونین اور بورڈ ملازمین کی جانب سے بھی بورڈ حکام اور افسران پر سنگین الزامات عائد کیے جارہے ہیں۔

حکومت سندھ کی جانب سے تاحال بورڈ کی ناقص کارکردگی اور سرکاری ریونیو کا نقصان پہنچانے والوں کے خلاف کسی قسم کی کارروائی نہیںکی گئی جس کا فائدہ اْٹھا ایک جانب سالڈ ویسٹ مینجمنٹ بورڈ کے افسران بڑے پیمانے پر سرکاری ریونیو کا نقصان پہنچانے میں مصروف ہیں،دوسری طرف کے ایم سی اور ڈی ایم سیز سے بورڈ منتقل کیے گئے ملازمین کا بھی معاشی استحصال کررہے ہیں۔

The post صفائی وکچرے کی منتقلی میں کروڑوں کی بدعنوانی کا انکشاف appeared first on ایکسپریس اردو.

from ایکسپریس اردو https://ift.tt/2Xf3V2x
via IFTTT

سینٹرل جیل کی بی کلاس میں ایک اور قیدی کا اضافہ ایکسپریس اردو

کراچی:  سینٹرل جیل کراچی کی بی کلاس میں ایک اور قیدی کا اضافہ ہونے جا رہا ہے،قتل کے الزام میں قید سلمان ابڑو نے جیل میں تعلیم کا سلسلہ جاری رکھا،گریجویشن کا امتحان دیا جوکہ اس نے فرسٹ ڈویژن سے پاس کرلیا،اس کے ساتھ ساتھ سینٹرل سپریئرسروس (سی ایس ایس) کی تیاری بھی جاری ہے۔

تفصیلات کے مطابق مئی 2014 میں کلفٹن میں بنگلے کے اندر دو طرفہ فائرنگ کے نتیجے میں سلیمان لاشاری ہلاک جبکہ سلمان ابڑو زخمی اور سلمان ابڑو کا ساتھی پولیس اہلکار ظہیر جاں بحق اور دیگر زخمی ہوگئے تھے،واقعے کا مقدمہ درخشاں تھانے میں درج کیا گیا تھا،پولیس نے سلمان ابڑوکوگرفتارکرکے جیل منتقل کردیا، کیس عدالت میں زیر سماعت ہے،اس سلسلے میں سینئر سپرنٹنڈنٹ شاہ نواز ساند نے بتایا کہ سینٹرل جیل میں قید کے دوران بھی سلمان ابڑو نے اپنی تعلیم کا سلسلہ جاری رکھا،گریجویشن کا امتحان دیا،سلمان نے امتحان 1000 نمبروں میں سے634 نمبر لے کر فرسٹ ڈویژن حاصل کی۔

کراچی یونیورسٹی کی جانب سے ڈگری بھی جاری کردی جوکہ انھوں نے خود سلمان ابڑو کو ڈگری دی ، سپرنٹنڈنٹ کا کہنا تھا کہ اس کے ساتھ ساتھ سلمان ابڑو جیل میں ہی قید کے دوران سینٹرل سپریئر سروس(سی ایس ایس) کی تیاری بھی کررہا ہے اور آئندہ برس سی ایس ایس کے امتحان دینے کا ارادہ بھی ظاہر کیا ہے ،سلمان سی ایس ایس کی تیاری چارٹرڈ اکاؤنٹنٹ ایس پی فدا حسین شاہ کی زیر نگرانی کررہا ہے جوکہ حال ہی میں ضمانت پر رہا ہوئے ہیں۔

گرفتاری سے قبل سلمان ابڑو کیڈٹ کالج میں زیر تعلیم تھا،ایک سوال کے جواب میں سینئر سپرنٹنڈنٹ شاہ نواز ساند نے بتایا کہ گریجویشن کی تکمیل کے بعد اب سلمان ابڑو قانونی طور پر بی کلاس کا حق دار ہے،سلمان ابڑوکی اس حوالے سے درخواست موصول ہونے کے بعد مروجہ قانونی ضابطے مکمل کرکے اسے بی کلاس کی سہولت دے دی جائے گی۔

The post سینٹرل جیل کی بی کلاس میں ایک اور قیدی کا اضافہ appeared first on ایکسپریس اردو.

from ایکسپریس اردو https://ift.tt/2JeMDbT
via IFTTT

انڈر19 کرکٹ ؛ پاکستانی لٹل اسٹارزجگمگا اٹھے، سیریز جیت لی ایکسپریس اردو

پائٹرمرٹزبرگ / جنوبی افریقہ: پاکستانی لٹل اسٹارز جگمگااٹھے، گرین شرٹس نے جنوبی افریقہ کو چوتھے ون ڈے میں 88 رنز سے شکست دیکر انڈر19 سیریزمیں 4-0 کی فیصلہ کن برتری حاصل کرلی،عامر علی اور نسیم شاہ نے4،4 وکٹیں آپس میں بانٹ لیں، حیدرعلی اور فہد منیر نے نصف سنچریاں بنائیں، کپتان روحیل نذیر نے 89 اور حارث خان نے 62 رنز بٹورے۔

تفصیلات کے مطابقانڈر19کرکٹ سیریز کے چوتھے معرکے میں ٹاس جیتنے والی پاکستانی ٹیم نے پہلے کھیل کر مقررہ 50 اوورزمیں8 وکٹ کھوکر341 کا بڑا مجموعہ ترتیب دیا، اوپنر حیدرعلی نے درجن بھر چوکوں کی مدد سے59 رنزبنائے، فہد منیر56کے بعد کپتان روحیل نذیر نے عمدہ بیٹنگ کی، انھوں نے 91 گیندوں پر89 رنزبنانے کیلیے 11 باؤنڈریز لگائیں، حارث خان نے برق رفتاری کا مظاہرہ کرتے ہوئے 41 گیندوں پر62 رنزبٹورے، ان کی اننگز میں 8 چوکے اور ایک سکسر شامل رہے، عباس آفریدی نے 30 رنز ناٹ آؤٹ بنائے، عمران فیلینڈر نے3 اور ایچیل کولیٹے  نے 2 وکٹیں اپنے نام کیں۔

میزبان الیون 43.3 اوورز میں 253رنزپر ہمت ہارگئی، اوپنر آر ٹیربلینچ 53، جوناتھن برڈ نے سب سے زیادہ 75 رنز بنائے،کپتان برائس پیرسون 39 رنز بنانے میں کامیاب رہے، فاسٹ بولر نسیم شاہ نے 9.3 اوورز میں 52 رنز دیکر4 مہرے کھسکائے،عامر علی نے 44 رنزکے عوض 4 شکار کیے، عمدہ بولنگ پرفارمنس پر انھیں میچ کا بہترین کھلاڑی بھی چناگیا، عباس آفریدی اور فہد منیر نے ایک ایک وکٹ اپنے نام کی،7 میچز پرمشتمل سیریز کا پانچواں مقابلہ منگل کو شیڈول ہے۔

The post انڈر19 کرکٹ ؛ پاکستانی لٹل اسٹارزجگمگا اٹھے، سیریز جیت لی appeared first on ایکسپریس اردو.

from ایکسپریس اردو https://ift.tt/2Xj9vAL
via IFTTT

روئے کوآؤٹ نہ دینے پر بھارتی میڈیا اور شائقین کا علیم ڈار کیخلاف محاذ ایکسپریس اردو

برمنگھم:  بھارتی میڈیا اور شائقین نے جیسن روئے کو آؤٹ نہ دینے پر امپائر علیم ڈار کے خلاف محاذ کھول لیا۔

گیارہویں اوور کی پانچویں گیند پر ہردیک پانڈیا کی گیند پر بھارت نے روئے کے خلاف کاٹ بی ہائنڈ کی اپیل کی جسے علیم نے مسترد کردیا، کوہلی اس پر ریویو لینا چاہتے تھے مگر وکٹ کیپر دھونی نے امپائر کے فیصلے کو قبول کرنے کا مشورہ دیا۔

بھارتی میڈیا نے دعویٰ کیا کہ گیند بیٹسمین کے گلوز کو چھوتی ہوئی گئی تھی، اسی بنیاد پر سوشل  میڈیا پر کچھ بھارتی شائقین نے بھی شور مچایا۔

The post روئے کوآؤٹ نہ دینے پر بھارتی میڈیا اور شائقین کا علیم ڈار کیخلاف محاذ appeared first on ایکسپریس اردو.

from ایکسپریس اردو https://ift.tt/2LrjAVj
via IFTTT

دوران میچز سیاسی بینر کو لہرانے کی اجازت نہیں دی جاسکتی، آئی سی سی چیف ایگزیکٹیو ایکسپریس اردو

لیڈز: افغان تماشائیوں کی شرانگیزی کے بعد آئی سی سی نے سیکیورٹی انتظامات مزید سخت کرنے کا فیصلہ کرلیا، چیف ایگزیکٹیو ڈیوڈ رچرڈسن کہتے ہیں کہ آئندہ اس قسم کے واقعات سے بچنے کی پوری کوشش کریں گے، کسی بھی قسم کے سیاسی بینر کو لہرانے کی بھی اجازت نہیں دی جاسکتی۔

کونسل کے چیف ایگزیکٹیو ڈیوڈ رچرڈسن کہتے ہیں کہ گورننگ باڈی مختلف اتھارٹیز کے ساتھ رابطے میں ہے تاکہ اس قسم کے واقعات پھر رونما نہ ہوں، ہم مختلف سیکیورٹی ٹیموں کے ساتھ مل کر کام کررہے ہیں تاکہ انتظامات کو مزید بہتر بنایا جاسکے، انفرادی طور پر اسٹیڈیم میں موجود ہر شخص پر نظر رکھنا بہت مشکل ہوتا ہے لیکن ہماری سیکیورٹی ٹیم ایسے افراد پر نظر رکھے گی جوکہ سیاسی سلوگن یا بینرز استعمال کررہے ہوں گے۔

The post دوران میچز سیاسی بینر کو لہرانے کی اجازت نہیں دی جاسکتی، آئی سی سی چیف ایگزیکٹیو appeared first on ایکسپریس اردو.

from ایکسپریس اردو https://ift.tt/2xlLv0q
via IFTTT

سیمی فائنل میں رسائی ؛ سری لنکن کرکٹ ٹیم کومعجزے کا انتظار ایکسپریس اردو

چیسٹر لی اسٹریٹ:  ورلڈ کپ میں پیر کو سری لنکا اور ویسٹ انڈیز کے درمیان میچ ہوگا، آئی لینڈرز کو سیمی فائنل میں رسائی کیلیے معجزے کا انتظار ہے، اگر مگر کے چکر سے قبل اپنے باقی دونوں میچز جیتنا ہوں گے، دوسری جانب کیریبیئن ٹیم اب بحالی وقار کیلیے کھیلے گی، موسم صاف رہے گا۔

تفصیلات کے مطابق سری لنکا نے انگلینڈ کے خلاف 20 رنز کی کامیابی سے جہاں ایک طرف ٹورنامنٹ کو اوپن اور سیمی فائنلز کے امیدواروں میں اضافہ کیا تو دوسری جانب اپنے امکانات بھی روشن کیے مگر اگلے ہی میچ میں جنوبی افریقہ کے ہاتھوں ناکامی کے بعد آئی لینڈرز کے لیگ مرحلے سے آگے بڑھنے کے امکانات تقریباً ختم ہوچکے تاہم انھیں اب معجزے کا انتظار ہے، اگر وہ اپنے باقی دونوں میچز جیت جاتے اور انگلینڈ اور پاکستان کے آئندہ میچز کا نتیجہ شکست کی صورت میں برآمد ہوتا ہے تو پھر سری لنکا ٹیم کے سیمی فائنل کھیلنے کی امید بن سکتی ہے۔ پروٹیز سے میچ میں اسے 9 وکٹ سے شکست ہوئی تھی، جس میں بڑا قصور غیر مستقل مزاج بیٹنگ کا تھا، اب اسے ویسٹ انڈین اٹیک کے خلاف بہتر پرفارمنس کا چیلنج درپیش ہوگا۔ لسیتھ مالنگا سے کافی امیدیوں وابستہ ہیں، انھوں نے 5 میچز میں 9 وکٹیں لی ہیں، جن میں سے 7 سری لنکا کی 2 فتوحات میں سامنے آئی ہیں۔ نوان پردیپ کے انجرڈ ہونے کی وجہ سے آئی لینڈرز کا انحصار اپنے تجربہ کار پیسر پر ہی ہوگا۔

دوسری جانب جیسن ہولڈر ایلیون 7 میچز میں سے صرف ایک کامیابی کی وجہ سے سیمی فائنل کی دوڑ سے باہر ہوگئی ہے، اگرچہ کئی میچز میں اس کی جانب سے اچھی پرفارمنس سامنے آئی مگر وہ کامیابی حاصل کرنے میں ناکام رہے۔ اپنے افتتاحی میچ میں کیریبیئن ٹیم نے پاکستان کے خلاف 7 وکٹ سے کامیابی حاصل کی تھی مگر اس کے بعد کوئی بھی تدبیر کارگر ثابت نہیں ہوئی۔ ٹیم کے سینئر ممبر کرس گیل اپنے پانچویں اور آخری ورلڈ کپ کو یادگار تو نہیں بنا پائے تاہم الوداعی میچز میں بہتر کارکردگی پیش کرنا چاہتے ہیں۔ چیسٹر لی اسٹریٹ میں ہی سری لنکا کو 9 وکٹ سے شکست ہوئی تھی، اس لیے وہ اس بار زیادہ سنبھل کر کھیلنے کی کوشش کریں گے، ڈرہم میں پیر کو آسمان صاف رہے گا بارش کے امکانات نہ ہونے کے برابر ہیں۔

The post سیمی فائنل میں رسائی ؛ سری لنکن کرکٹ ٹیم کومعجزے کا انتظار appeared first on ایکسپریس اردو.

from ایکسپریس اردو https://ift.tt/2Lv6yWE
via IFTTT

سوئس فٹبالرسوئمنگ حادثے کے بعد لاپتہ ایکسپریس اردو

جنیوا: سوئٹزرلینڈ کی نیشنل ویمنز فٹبالر فلوریجانا اسماعیلی سوئمنگ حادثے کے بعد سے لاپتہ ہیں۔

وہ گذشتہ دنوں شمالی اٹلی میں واقع جھیل کومو میں حادثے کا شکار ہوئی تھیں۔ کلب اعلامیے کے مطابق ہماری پلیئر فلوریجانا سوئمنگ حادثے کے بعد ہفتے کی صبح سے لاپتہ ہیں، پولیس نے ان کی تلاش جاری رکھی ہوئی ہے، اطالوی میڈیا کے مطابق انھوں نے فرصت کا دن جھیل میں گزارنے کا فیصلہ کیا تھا، جہاں انھوں نے کرائے پر کشتی حاصل کی تھی ، حادثے کے وقت انھوں نے پانی میں چھلانگ لگائی تھی لیکن پھر وہ سطح آب پر نہیں آسکیں۔

The post سوئس فٹبالرسوئمنگ حادثے کے بعد لاپتہ appeared first on ایکسپریس اردو.

from ایکسپریس اردو https://ift.tt/2xkurIt
via IFTTT