Friday, September 2, 2022
ہانگ کانگ ٹی ٹوئنٹی میں سب سے کم اسکور پر آؤٹ ہونے والی 10ویں ٹیم بن گئی ایکسپریس اردو
کراچی: ایشیا کپ میں پاکستان کے خلاف ہانگ کانگ کی ٹیم 38 رنز پر آؤٹ ہوکر انٹرنیشنل ٹی ٹوئنٹی کرکٹ میں سب سے کم اسکور کرنے والی 10 ویں ٹیم بن گئی۔
اس طرز کی انٹرنیشنل کرکٹ میں سب سے کم اسکور پر میدان بدر ہونے کا ریکارڈ ترکیہ کے پاس ہے، ترکیہ 30 اگست 2019 کو جمہوریہ چیک کے خلاف 8.3 اوورز میں صرف 21 رنز بنا کر آؤٹ ہوگئی تھی۔
کم سے کم اسکور پر ہمت ہارنے والی ٹاپ ٹین ٹیموں میں ترکیہ کا نام تین مرتبہ آتا ہے، ترکیہ 28 اور 32 رنز پر بھی آؤٹ ہوچکی ہے۔ کیمرون کی ٹیم بھی 38 رنز پر واپس پویلین لوٹی لیکن اس کی اننگ کا اختتام 10.4 اوورز میں ہوا جبکہ ہانگ کانگ کی ٹیم نے پاکستان کے خلاف 10.4 اوورز تک مزاحمت کی۔
مزید پڑھیں: 194 رنز کے ہدف کے جواب میں ہانگ کانگ کی پوری ٹیم 38 رنز پر ڈھیر
اس طرح ہانگ کانگ کی ٹیم اوسط کے اعتبار سے کم سے کم اسکور پر آؤٹ ہونے والی ٹیموں کی فہرست میں 9 ویں نمبر پر شمار ہوگی۔
قبل ازیں پاکستان کے خلاف ٹی ٹوئنٹی کرکٹ میں سے سب کم اسکور پر آؤٹ ہونے والی ویسٹ انڈیز کی ٹیم تھی، پاکستان نے یکم اپریل 2018 کو کراچی کے نیشنل اسٹیڈیم میں ویسٹ انڈیز کی ٹیم کو 13.4 اوورز میں 60 رنز پر ڈھیر کر دیا تھا۔
The post ہانگ کانگ ٹی ٹوئنٹی میں سب سے کم اسکور پر آؤٹ ہونے والی 10ویں ٹیم بن گئی appeared first on ایکسپریس اردو.
from ایکسپریس اردو https://ift.tt/AtQKL2H
via IFTTT
Thursday, September 1, 2022
پاکستان اور افغان حکام کے مابین تجارت کے فروغ کیلیے مربوط کوششوں پر اتفاق ایکسپریس اردو
طور خم: پاکستان اور افغان حکام نے طورخم بارڈر پر ملاقات میں تجارت کے فروغ کے لیے مربوط کوششوں پر اتفاق کیا ہے۔
شرکا نے سرحد پار کرنے والی گاڑیوں کی تعداد 500 سے بڑھ کر 1200 ہونے پر اطمینان کا اظہار کیا۔ اجلاس میں پاکستان کی جانب سے ایف سی، این ایل سی، ایف آئی اے اور پولیس حکام نے شرکت کی جبکہ افغان وفد کی قیادت بارڈر سیکیورٹی کمانڈر مولوی خالد نے کی۔
ایڈیشنل کلکٹر کسٹمز محمد طیب کی صدارت میں کسٹمز ہاؤس میں ہونے والے اجلاس میں پاکستانی حکام نے افغان حکام سے مطالبہ کیا کہ جس طرح پاکستان نے پیاز کی درآمد پر عائد ڈیوٹی ختم کی تھی اسی طرح افغانستان سے ٹماٹر اور کوئلے پر عائد ایکسپورٹ ٹیکس کو بھی ختم کیا جائے۔
اس پر افغان فریق نے پاکستانی حکام کو یقین دلایا کہ وہ ان کی درخواست افغان وزارت تجارت تک پہنچائیں گے۔ افغان وفد نے مطالبہ کیا کہ افغانستان سے تازہ پھلوں کے درجنوں ٹرک کئی دنوں سے پاکستان میں داخل ہونے کے منتظر ہیں، خدشہ ہے کہ لاکھوں روپے مالیت کے پھل خراب ہو سکتے ہیں۔
پاکستانی حکام نے افغان باڈی کو یقین دلایا کہ ٹرکوں کو ترجیحی بنیادوں پر کلیئر کیا جائے گا۔ افغان حکام نے پاکستان میں داخل ہونے والی گاڑیوں کی تعداد 500 سے بڑھا کر 1200 کرنے پر پاکستانی فریق کا شکریہ ادا کیا۔
پاکستانی ایڈیشنل کلکٹر کسٹمز نے کہا کہ گاڑیوں کی نقل و حرکت کو یومیہ 2000 گاڑیوں تک بڑھایا جائے گا۔ ملاقات کے دوران افغان حکام نے اس بات پر اطمینان کا اظہار کیا کہ کسٹمز اور ایف سی کی کارروائیوں سے چائلڈ لیبر کا 80 فیصد خاتمہ ہو چکا ہے، امید ہے کہ اس کا مکمل خاتمہ ہو جائے گا۔
The post پاکستان اور افغان حکام کے مابین تجارت کے فروغ کیلیے مربوط کوششوں پر اتفاق appeared first on ایکسپریس اردو.
from ایکسپریس اردو https://ift.tt/ZWO5ipa
via IFTTT
عامر خان ’لال سنگھ چڈا‘ کا معاوضہ نہیں لیں گے ایکسپریس اردو
ممبئی: فلم ’لال سنگھ چڈا‘ کی باکس آفس پر بدترین ناکامی کے بعد بالی وڈ سپراسٹار عامر خان نے فیصلہ کیا ہے کہ وہ اپنا معاوضہ نہیں لیں گے۔
عامر خان کے معاوضہ نہ لینے سے فلم پروڈیوسر کے 100 کروڑ تک کے نقصانات کا ازالہ ہوسکے گا۔
فلم کو 1.8ارب انڈین روپے کی خطیر لاگت سے بنایا گیا تھا جبکہ کم از کم ایک ارب روپے کے نقصان کا تخمینہ لگایا گیا ہے۔
میڈیا ذرائع کے مطابق فلم کے مکمل نقصان کو عامر خان نے خود ہی برداشت کرنے کا فیصلہ کیا ہے اور فلم کی ناکامی کی مکمل ذمہ داری وہ خود لینے کو تیار ہیں۔
واضح رہے کہ فلم انڈین باکس آفس پر مکمل طور پر ناکام رہی اور بمشکل 100 کروڑ روپے کا بزنس کرسکی ہے البتہ عالمی باکس آفس پر فلم 2022 کی سب سے زیادہ کمانے والی فلم بن گئی۔
’لال سنگھ چڈا‘ نے عالمی کمائی میں ’گنگوبائی کاٹھیاواڑی‘ اور ’کشمیر فائلز‘کو پیچھے چھوڑ دیا ہے۔
مسٹر پرفیکشنٹ نے فلم کی تیاری پر اپنی زندگی کے چار قیمتی سال لگائے، جبکہ فلم میں کرینہ کپور کو شامل ہونے کے لیے آڈیشن دینا پڑا تھا۔
The post عامر خان ’لال سنگھ چڈا‘ کا معاوضہ نہیں لیں گے appeared first on ایکسپریس اردو.
from ایکسپریس اردو https://ift.tt/Z7vNxdi
via IFTTT