سانحہ ساہیوال کے مدعی جلیل کا ملزمان کی شناخت پریڈ سے انکار ایکسپریس اردو

 لاہور: سانحہ ساہیوال کے مدعی جلیل نے ملزمان کی شناخت پریڈ سے انکارکردیا۔

ایکسپریس نیوزکے مطابق سانحہ ساہیوال مقدمے کے مدعی جلیل نے ساہیوال آکر سی ٹی ڈی کے گرفتار اہلکاروں کی شناخت پریڈ کرنے سے انکار کردیا۔ مدعی جلیل کا کہنا ہے کہ ہم اس جے آئی ٹی کونہیں مانتے کیونکہ وہ ہمارے مقدمہ کو خراب کر رہی ہے، ہم کس کی شناخت پریڈ کریں، جے آئی ٹی اورپولیس کو پتا ہے ہمارے قاتل کون ہے۔

جے آئی ٹی نے گزشتہ روزجلیل، بھتیجے عمیراورایف آئی آر کے گواہان کوآج 10 بجے ساہیوال شاخت پریڈ کے لئے بلایا تھا۔

اس خبرکو بھی پڑھیں: سانحہ ساہیوال کے متاثرین کا جوڈیشل کمیشن کا مطالبہ

علاوہ ازیں سانحہ ساہیوال کو11 دن گزرگئے لیکن مکمل شواہد فراہم نہ کئے جاسکے جب کہ تحقیقات سست روی کا شکارہوگئی۔ فرانزک ایجنسی ادھورے شواہد کی بنیاد پرتحقیقات مکمل کرنے سے قاصرہے۔ فرانزک سائنس ایجنسی ذرائع کے مطابق جن رائفلوں سے گولیاں ماری گئیں وہ اب تک نہیں ملیں، رائفلیں نہ ملنے تک تحقیقات میں پیشرفت نہیں ہوسکے گی۔

 واضح رہے کہ گزشتہ روزسینیٹ کی قائمہ کمیٹی برائے داخلہ کا اجلاس ہوا تھا جس میں سانحہ ساہیوال کے متاثرہ خاندانوں نے بھی شرکت کی تھی اورانہوں نے مطالبہ کیا تھا کہ سی ٹی ڈی کی طرف سے جاں بحق افراد کے خلاف درج ایف آئی آرخارج کی جائے اور انہوں نے جے آئی ٹی کومسترد کرتے ہوئے واقعے کی تحقیقات کے لیے جوڈیشل کمیشن تشکیل دینے کا مطالبہ بھی کیا تھا۔

The post سانحہ ساہیوال کے مدعی جلیل کا ملزمان کی شناخت پریڈ سے انکار appeared first on ایکسپریس اردو.

from ایکسپریس اردو http://bit.ly/2HCf1ak
via IFTTT

پاکستان اور جنوبی افریقا کے درمیان آخری اور فیصلہ کن میچ آج کھیلا جائے گا ایکسپریس اردو

کیپ ٹاؤن: پاکستان اور جنوبی افریقا کے درمیان پانچ ایک روزہ میچوں کی سیریز کا آخری اور فیصلہ کن میچ آج کیپ ٹاؤن میں کھیلا جائے گا۔

جنوبی افریقا اور پاکستان کے درمیان جاری پانچ ایک روزہ میچوں کی سیریز کا آخری میچ جنوبی افریقی شہر کیپ ٹاؤن میں آج کھیلا جائے گا، آج کا میچ دونوں ٹیموں کے لیے انتہائی اہمیت کا حامل ہے، پانچ میچوں کی سریز ابھی تک 2-2 سے برابر ہے اور میچ جیتنے والی ٹیم سیریز بھی اپنے نام کرلے گی۔

قومی ٹیم کپتان سرفراز احمد کے بغیر میدان میں اترے گی جب کہ ٹیم کی قیادت شعیب ملک کریں گے، سرفراز احمد کو آئی سی سی کے نسل پرستانہ کوڈ کی خلاف ورزی کرنے پر 4 میچوں کے لیے معطل کیا گیا جس کے باعث سرفراز جنوبی افریقا کے خلاف چوتھا ایک روزہ میچ بھی نہیں کھیل سکے تھے۔

واضح رہے کہ جنوبی افریقا کے خلاف ٹیسٹ سیریز میں قومی ٹیم کو 0-3 سے شکست کا سامنا کرنا پڑا تھا۔

The post پاکستان اور جنوبی افریقا کے درمیان آخری اور فیصلہ کن میچ آج کھیلا جائے گا appeared first on ایکسپریس اردو.

from ایکسپریس اردو http://bit.ly/2CUs6Gw
via IFTTT

قطر نے یواےای کوشکست دیکر ایشیا کپ فٹبال کے فائنل میں جگہ بنالی ایکسپریس اردو

ابو ظہبی: قطر نے میزبان یواےای کو چار صفر سے شکست دے کر ایشیا کپ فٹبال کے فائنل میں جگہ بنالی۔

قطر نے میزبان یواے ای کو 0-4 سے شکست دے کر ایشیا کپ فٹبال کے فائنل میں جگہ بنالی جہاں اس کا مقابلہ جمعے کو جاپان سے ہوگا۔ دونوں ممالک میں سیاسی کشیدگی کی وجہ سے ابوظہبی میں ایشین کپ فٹبال کے اس دوسرے سیمی فائنل میں میزبان یواے ای اور قطر کےمیچ میں ماحول خاصا گرم رہا، کھیل کے بائیس ویں منٹ میں بولیم خوکھی نے قطر کے لیے پہلا گول کرکے سبقت دلائی۔ سینتیس ویں منٹ میں زین العابدین نے دوسرا گول کرکے قطر کی برتری کو ڈبل کردیا۔

ہاف ٹائم تک قطر کی ٹیم دو صفر سے جیت رہی تھی، دوسرے ہاف میں قطر کے جارحانہ کھیل کا سلسلہ جاری رہا، اسی ویں منٹ نےحسن نے بال کو جال میں پھینک کر تیسرا گول کردیا۔ حامد نے انجری ٹائم میں قطر کی جانب سے چوتھا گول کرکے یواے ای کو آوٹ کلاس کیا۔میچ کے دوران گول کاجشن منانے پر قطری کھلاڑیوں پر بوتل اور جوتے بھی پھینکے گئے۔

دوسری جانب قطر کے شائقین نے بڑی اسکرین پر یہ میچ دیکھا اور پہلی بار ایشیا کپ کے فائنل میں رسائی پانے پر انہوں نے خوب جشن منایا۔

The post قطر نے یواےای کوشکست دیکر ایشیا کپ فٹبال کے فائنل میں جگہ بنالی appeared first on ایکسپریس اردو.

from ایکسپریس اردو http://bit.ly/2Ut1uTV
via IFTTT

سندھ ہائی کورٹ؛ تفتیشی افسر کے پیش نہ ہونے پر ڈی جی نیب سندھ کی معذرت ایکسپریس اردو

 کراچی: ہائی کورٹ میں تفتیشی افسر کے پیش نہ ہونے پر ڈی جی نیب سندھ نے عدالت سے معذرت کرلی۔

سندھ ہائی کورٹ میں شہری غلام شبیر شیخ کیخلاف نیب انکوائری سے متعلق کیس کی سماعت ہوئی۔ تاہم ہائی کورٹ میں اس وقت دلچسپ صورتحال پیدا ہوگئی جب ڈی جی نیب سندھ سراج نعیم تو عدالت میں پیش ہوگئے لیکن تفتیشی افسر غائب تھے۔

عدالت نے صورتحال پر چیئرمین نیب جاوید اقبال کو طلب کرنے کا عندیہ دیتے ہوئے کہا کہ کیوں نہ چیئرمین نیب کو نوٹس جاری کرکے بلالیا جائے؟۔ عدالت نے ڈی جی نیب سندھ سے کہا کہ نیب کا یہ حال ہے کہ ڈی جی نیب عدالت میں ہے اور تفتیشی افسر غائب ہے، یہی وجہ ہے کہ نیب انکوائریز میں اتنی تاخیر ہورہی ہے۔

ڈی جی نیب سندھ نے عدالت کو معاملے پر ایکشن لینے کی یقین دہانی کرائی تو عدالت نے کہا کہ آپ کیا ایکشن لیں گے آپ دفتر جاکر بھول جائینگے۔ فاضل جج نے کہا کہ کیوں نہ میں حکم کردوں کہ نیب کے ہر کیس میں آپ کو پیش ہونا پڑے؟۔

ڈی جی نیب سندھ نے کہا کہ میں معافی چاہتا ہوں آئندہ تمام تفتیشی افسران کو تاکید کروں گا کہ وہ ہر صورت پیش ہوں۔ عدالت نے ریمارکس دیے کہ آپ کچھ نہیں کرینگے آپ سنجیدہ ہوتے تو نیب افسران مزے نہ کرتے، تفتیشی افسران انکوائری کرتے ہیں اور جب عدالت میں معاملہ آتا ہے تو غائب ہوجاتے ہیں۔

عدالت نے نیب تفتیشی افسر کو کل پیش ہونے کا حکم دیتے ہوئے سماعت کل تک ملتوی کردی۔

The post سندھ ہائی کورٹ؛ تفتیشی افسر کے پیش نہ ہونے پر ڈی جی نیب سندھ کی معذرت appeared first on ایکسپریس اردو.

from ایکسپریس اردو http://bit.ly/2Rs9zGC
via IFTTT

فلپائن میں مسجد میں دستی بم حملہ، 2افراد جاں بحق ایکسپریس اردو

منیلا: جنوبی فلپائن میں مسجد میں دستی بم حملے کے نتیجے میں 2 افراد جاں بحق جب کہ 4 زخمی ہوگئے۔

غیر ملکی خبر رساں ادارے کے مطابق جنوبی فلپائن میں مسجد میں دستی بم حملے کے نتیجے میں 2 افراد جاں بحق جب کہ 4 زخمی ہوگئے، واقعہ کے بعد امدادی اہلکاروں نے زخمیوں کو اسپتال منتقل کیا جب کہ سیکیورٹی فورسز نے مسجد سے ملحقہ علاقے کو گھیرے میں لیکر حملہ آوروں کی تلاش شروع کردی۔

اس خبر کو بھی پڑھیں : فلپائن میں چرچ کے نزدیک دو دھماکوں میں 27 افراد ہلاک

پولیس حکام کے مطابق دہشت گرد مسجد میں دستی بم پھینک کر فرار ہوگئے جن کی تلاش جاری ہے جب کہ فلپائن میں گرجا گھر پر حملے کے بعد سے سیکیورٹی ہائی الرٹ ہے۔

واضح رہے کہ چند روز قبل فلپائن کے جزیرے جولو میں چرچ کے قریب یکے بعد دیگرے دو دھماکوں میں 27 افراد ہلاک اور 48 زخمی ہوگئے تھے جب کہ حملے کی ذمہ داری دہشت گرد تنظیم داعش نے قبول کی تھی۔

The post فلپائن میں مسجد میں دستی بم حملہ، 2افراد جاں بحق appeared first on ایکسپریس اردو.

from ایکسپریس اردو http://bit.ly/2HDLP2F
via IFTTT

اسلام آباد،جرمن سفیر مارٹن کوبلر کا ایئر یونیورسٹی کا دورہ پاکستانی عوام کے خلوص سے بے حد متاثر ہوں، جرمن سفیر کا طلباء و طالبات سے تبادلہ خیال، ایئر یونیورسٹی کے منفرد ... مزید

ملالہ یوسف زئی کی حیات پر مبنی فلم کی نمائش میں کنور دلشاد کی بطور مہمان خصوصی شرکت بھارتی مندو بین نے وزیر اعظم عمران خان کو ایشیاء کی مقبول ترین شخصیت قرار دے دیا، کنور ... مزید