شاہین آفریدی نے عید کا دن کہاں گزارا؟ جان کر مداح بھی تعریف کرنے لگے ایکسپریس اردو

خیبر: قومی کرکٹ ٹیم کے فاسٹ بولر شاہین آفریدی نے عید الفطر کا دن طورخم میں پہاڑی تودے سے متاثر ہونے والے علاقے میں گزارا۔

شاہین آفریدی اپنے آبائی علاقے میں نماز عید کی ادائیگی اور قریبی عزیزوں سے ملاقات کے بعد طورخم گئے جہاں انہوں نے ریسکیو کاموں اور لینڈ سلائیڈنگ سے ہونے والے نقصانات کا جائزہ لیا۔

فاسٹ بولر نے ریسکیو آپریشن کرنے والے اداروں کے رضاکاروں اور پاک فوج کی امدادی و بحالی ٹیم کے اہلکاروں سے ملاقات کر کے اُن کی حوصلہ افزائی کی۔

مزید پڑھیں: طورخم لینڈ سلائیڈنگ، مرنے والوں کی تعداد 8 تک پہنچ گئی

سماجی رابطے کی سائٹ ٹویٹر پر شاہین آفریدی نے اپنی تصاویر شیئر کرتے ہوئے لکھا کہ ’میں نے اپنا عید کا دن طورخم کے قریب لینڈ سلائیڈنگ سے متاثر ہونے والے علاقے میں گزارا، اس افسوسناک واقعے میں 8 اموات ہوئیں جبکہ متعدد زخمی ہوئے اور بہت زیادہ مالی تقصان ہوا ہے‘۔

I spent my Eid day at the Land Slide area near Torkham. Saddened that the incident cost 8 lives, many injured and huge financial losses. Really heartening to see all state security and rescue staff tirelessly working 24/7 to retrieve the deceased and clearing the rubble for over… pic.twitter.com/rIeTHlQClH

— Shaheen Shah Afridi (@iShaheenAfridi) April 22, 2023

شاہین آفریدی نے لکھا کہ یہ دیکھ کر بہت زیادہ دلی خوشی ہوئی کہ ریاستی سیکیورٹی ادارے، رضاکار اور دیگر ریسکیو ادارے گزشتہ پانچ روز سے چوبیس گھنٹے کام کر کے علاقے کو کلیئر کرنے کی کوشش کررہے ہیں۔

قومی ٹیم کے فاسٹ بولر نے ریسکیو ٹیموں کو شاندار الفاظ میں خراج تحسین بھی پیش کیا۔

The post شاہین آفریدی نے عید کا دن کہاں گزارا؟ جان کر مداح بھی تعریف کرنے لگے appeared first on ایکسپریس اردو.

from ایکسپریس اردو https://ift.tt/EsM5Nj7
via IFTTT

کمپیوٹر کو منہ سے کنٹرول کرنے والا ’ماؤتھ پیڈ‘ ایکسپریس اردو

بوسٹن: دنیا میں کچھ لوگ ایسے ہیں جو کسی کمزوری یا معذوری کی بنا پر ماؤس استعمال نہیں کرپاتے۔ اب میساچیوسیٹس انسٹی ٹیوٹ آف ٹیکنالوجی (ایم آئی ٹی) کے ذیلی کمپنی نے منہ سے کنٹرول ہونے والا ماؤس بنایا ہے جسے ’ماؤتھ پیڈ‘ کا نام دیا گیا ہے۔

آگمینٹل نامی کمپنی کے مطابق اول تو یہ ایسے لوگوں کے لیے تحفہ ہے جو ہاتھ سے ماؤس نہیں چلاسکتے اور دوم ایک وقت میں بہت سے کام کرنے والے (ملٹی ٹاسکر) بھی اس سے استفادہ کرسکتے ہیں۔

یہ مکمل طور پر تھری ڈی پرنٹڈ، واٹرپروف ہے اور اس میں لچکدار سرکٹ اور پروسیسر نصب ہے۔ اسے منہ میں نصب کرنے کے لیے پہلے یہ منہ کا جائزہ یا اسکین لیتا ہے۔ منہ میں رکھنے پر یہ اوپر کے دانت اور تالو سے لگ جتا ہے اور مزے کی بات یہ ہے کہ منہ کا ماؤس منہ میں رکھنے کے باوجود بولنے سے مشکل نہیں ہوتی۔ تاہم اس کا وزن صرف ساڑھے سات گرام اور اور موٹائی صرف 0.7 ملی میٹر ہے۔

یہ ماؤس زبان کے دباؤ اور پوزیشن کے تحت کام کرتا ہے اور مشین لرننگ کے ذریعے ہدایات کمپیوٹریا لیپ ٹاپ تک بھیجتا ہے۔ اس کے ساتھ سامنے کے ڈیوائس سے بلیو ٹوتھ کے ذریعے رابطہ برقرار رکھتا ہے۔ بہت جلد اس کا تجارتی ماڈل عام دستیاب ہوگا جو تمام آپریٹنگ سسٹم کے ساتھ کام کرسکے گا۔

ایک مرتبہ چارج ہونے کے بعد یہ پانچ گھنٹے تک کام کرسکتا ہے۔

The post کمپیوٹر کو منہ سے کنٹرول کرنے والا ’ماؤتھ پیڈ‘ appeared first on ایکسپریس اردو.

from ایکسپریس اردو https://ift.tt/d4QFGuD
via IFTTT

لاہور میں ہلکی بارش سے موسم خوشگوار، عید کی خوشی دوبالا ہوگئی ایکسپریس اردو

 لاہور: باغوں کے شہر لاہور میں میں آج صبح ہلکی بارش سے موسم خوشگوار ہوگیا جب کہ عید الفطر کے پہلے روز ہر چہرہ کھل اٹھا اور شہریوں کی خوشی دوبالا ہوگئی۔

محکمہ موسمیات کے مطابق صوبائی دارالحکومت میں ہلکی بارش اور ٹھنڈی ہواؤں کا سلسلہ جاری رہے گا جب کہ لاہور سمیت پنجاب بھر میں بارش کا امکان ہے۔ آج صبح ہی گلبرگ،گڑھی شاہو، جیل روڈ، فیروز پور روڈ سمیت دیگر علاقوں میں بوندا باندی سے موسم اچانک بدلا اور ٹھنڈی ہوائیں چلنے سے شہریوں نے خوشی کا اظہار کیا۔

واضح رہے کہ مغرب سے آنے والی ہواؤں اور بادلوں نے آسمان اور فضا کو اپنی لپیٹ میں لے لیا، جس سے گرمی کا زور ٹوٹ گیا۔ ماہرین کا کہنا ہے کہ آئندہ 24 گھنٹوں کے دوران وقفے وقفے سے بارش کا امکان ہے۔

دریں اثنا واسا کی جانب سے بارش کے پیش نظر پہلے ہی الرٹ جاری کردیا گیا تھا اور اس سلسلے میں  تمام ملازمین کو نکاسی آب کے لیے فیلڈ میں موجود  رہنے کی ہدایت کی گئی تھی۔ ایم ڈی واسا کے مطابق عید کی چھٹیوں میں ملازمین و افسران کی چھٹیاں منسوخ ہیں۔

The post لاہور میں ہلکی بارش سے  موسم خوشگوار، عید کی خوشی دوبالا ہوگئی appeared first on ایکسپریس اردو.

from ایکسپریس اردو https://ift.tt/COSLwuP
via IFTTT

پی ایس ایل ؛ ٹیموں کی تعداد بڑھانے میں کئی رکاوٹیں حائل ایکسپریس اردو

 لاہور: پی ایس ایل میں ٹیموں کی تعداد بڑھانے میں کئی رکاوٹیں حائل ہیں،فرنچائزز کنٹریکٹ کے تحت 2025میں 10ویں ایڈیشن تک کوئی اضافہ نہیں کیا جاسکتا۔

پاکستان سپر لیگ کی بڑھتی ہوئی مقبولیت کے پیش نظر چیئرمین مینجمنٹ کمیٹی نجم سیٹھی ٹیموں کی تعداد بڑھانا چاہتے ہیں،شائقین کی دلچپسی کے ساتھ ٹیمیں خریدنے کے خواہاں بھی موجود ہیں مگر راہ میں حائل کئی رکاوٹیں دور کرنا ہوں گی۔

ویب سائٹ ’’کرک انفو‘‘کے مطابق 2021 میں اتفاق رائے سے طے پانے والے نئے فنانشل ماڈل کی ایک شق کے مطابق 2025میں 10 واں ایڈیشن مکمل ہونے سے قبل پی ایس ایل میں کسی ٹیم کا اضافہ نہیں کیا جاسکتا، اس کے بعد پی سی بی آزاد ہوگا کہ ٹیموں کی تعداد کب اور کیسے بڑھانا ہے۔

یہ بھی پڑھیں: پی ایس ایل؛ 2 نئی فرنچائزز کون سی ہوں گی؟

اگر 10ویں ایڈیشن سے قبل کوئی نئی ٹیم آئی تو پہلے سے موجود 6فرنچائزز کے میڈیا و اسپانسر رائٹس اور گیٹ منی کے 95فیصد شیئر سے کوئی کمی نہیں کی جائے گی، ابھی تک اس حوالے سے پی سی بی کی ٹیم اونرز سے کوئی باضابطہ بات چیت نہیں ہوئی مگر پیش رفت آئندہ ماہ شیڈول گورننگ کونسل میٹنگ میں متوقع ہے۔

ٹیموں کی تعداد میں اضافے سے پورے ایونٹ کیلیے ونڈو نکالنے کا بھی مسئلہ ہوگا۔ شیڈول بگ بیش، بنگلہ دیشی، یواے ای اور جنوبی افریقی لیگز سے متصادم ہونے کا امکان بڑھ جائے گا،اس سے انٹرنیشنل کرکٹرز کی دستیابی کا مسئلہ بھی ہوسکتا ہے، اگلے 2 سال میں رمضان المبارک کی وجہ سے بھی شیڈولنگ متاثر ہو گی۔

مزید پڑھیں: پی ایس ایل میں مزید دو ٹیمیں آنے سے فرنچائزز کو نقصان نہیں ہوگا، نجم سیٹھی

ملک کی ابتر معاشی صورتحال میں خریداروں اور اسپانسرز کی کم توجہ حاصل ہونے کا خدشہ بھی موجود رہے گا، زیادہ ٹیموں کی صورت میں اضافی وینیوز اور انفرااسٹرکچر کی ضرورت ہوگی،فی الحال اس کی زیادہ تیاری نظر نہیں آتی۔

The post پی ایس ایل ؛ ٹیموں کی تعداد بڑھانے میں کئی رکاوٹیں حائل appeared first on ایکسپریس اردو.

from ایکسپریس اردو https://ift.tt/c4EsiqC
via IFTTT

عیدالفطر آج مذہبی جوش و جذبے کے ساتھ منائی جا رہی ہے ایکسپریس اردو

ملک بھر میں آج عیدالفطر مذہبی جوش و جذبے کے ساتھ منائی جا رہی ہے۔

ایکسپریس نیوز کے مطابق عیدالفطر آج مذہبی جوش وجذبے کے ساتھ منائی جا رہی ہے۔ اس موقع پر عید کی نماز کے بڑے اجتماعات منعقد ہوئے جس میں ملک و قوم کی ترقی و خوشحالی کے لیے خصوصی دعائیں کی گئیں جب کہ اجتماعات کی سیکیورٹی کے لیے سخت انتظامات کیے گئے ہیں۔

یہ بھی پڑھیں: عیدالفطر کے موقع پر صدر مملکت ڈاکٹر عارف علوی کا قوم کو پیغام

عید کے اس پُرمسرت موقع پر صدر مملکت ڈاکٹر عارف علوی نے قوم کو عیدالفطر کی مبارک باد دیتے ہوئے کہا ہے کہ دعاگو ہوں عید ہمارے لیے امن و سلامتی اور خوشیوں کے ایام لائے، رمضان المبارک ہمارے اندر تقویٰ، پرہیزگاری اور دوسروں کی تکلیف کا احساس پیدا کرتا ہے۔

صدر مملکت نے کہا کہ اس وقت ملک کو مشکل سیاسی اور اقتصادی حالات کا سامنا ہے، ہم سب اپنے ملک کے لیے درد محسوس کر رہے ہیں، قوم کی توجہ معاف کرنے، رحم فرمانے والے رب کی طرف دلانا چاہتا ہوں۔ انہوں نے کہا کہ اللہ تعالیٰ ہمیں معاف کرنے، درگزر کرنے کا حکم دیتا ہے، آج ہم لوگوں کو معاف کرنے کو تیار نہیں۔

یہ بھی پڑھیں: عید الفطر پر صاحب ثروت لوگ آگے بڑھ کر ضرورت مندوں کی مدد کریں، وزیراعظم

وزیر اعظم شہباز شریف نے اپنے بیان میں کہا کہ عیدالفطر کے پرمسرت موقع پر پاکستان سمیت تمام عالم اسلام کو مبارک پیش کرتا ہوں۔ میری دعا ہے کہ یہ مبارک گھڑی ہم سب کی زندگی میں ڈھیروں مسرتیں اور خوشیاں لے کر آئے۔

انہوں نے کہا کہ رمضان المبارک کے روزوں اور عبادات سے ہماری زندگی میں صبر، قناعت اور دوسروں کے احساس کا جو جذبہ پیدا ہوا عیدالفطر پر اس کے عملی اظہار کا بھی ایک موقع ہے۔

شہباز شریف نے کہا کہ اپنے اردگرد ضرورت مندوں، محتاجوں، یتیموں اور ناداروں کے ساتھ صلہ رحمی کا مظاہرہ کریں، یہ مشکل دور ہے جس میں صاحب ثروت کے ایثار ومحبت کی عام حالات سے زیادہ ضرورت ہے۔ ان سب کو عید کی خوشیوں میں شریک کریں جو مشکلات کے جبر کا شکار ہیں۔

 

 

The post عیدالفطر آج مذہبی جوش و جذبے کے ساتھ منائی جا رہی ہے appeared first on ایکسپریس اردو.

from ایکسپریس اردو https://ift.tt/eGKXgZv
via IFTTT

عید کے موقع پر پی آئی اے اور پاکستان ریلویز کا کرایوں میں بڑی کمی کا اعلان ایکسپریس اردو

 کراچی /  لاہور: عیدالفطر کے موقع پر پی آئی اے اور پاکستان ریلویز نے کرایوں میں بڑی کمی کا اعلان کردیا۔

ایکسپریس نیوز کے مطابق عیدالفطر کے پرمسرت موقع پر پاکستان انٹرنیشنل ایئرلائنز اور پاکستان ریلویز نے کرایوں میں بڑی کمی کا اعلان کردیا۔

وزیر ہوا بازی سعد رفیق کی ہدایت پر پی آئی اے کے کرایوں میں 20 فیصد جب کہ ریلوے کرایوں میں 33 فیصد کمی کا اعلان کیا گیا، کمی کا اطلاق اندرون ملک تمام پروازوں پر 22 سے 25 اپریل تک ہوگا۔

یہ بھی پڑھیں: کراچی اور لاہور کے درمیان چلنے والی شالیمار ایکسپریس کوبحال کرنے کا فیصلہ

ترجمان پی آئی اے کے مطابق کرایوں میں کمی اکانومی اور ایگزیکیٹو اکانومی دونوں کلاسز پر ہوگی، 20 فیصد رعایت کا مقصد ہم وطنوں میں عید کی خوشیوں بانٹنا ہے۔

دوسری جانب پاکستان ریلویز نے بھی عیدالفطر کے موقع پر 22 اپریل سے 25 اپریل تک کرایوں میں 33 فیصد کمی کردی جب کہ یہ سہولت تمام مسافر ٹرینوں کی تمام کلاسز پر دستیاب ہوگی۔

The post عید کے موقع پر پی آئی اے اور پاکستان ریلویز کا کرایوں میں بڑی کمی کا اعلان appeared first on ایکسپریس اردو.

from ایکسپریس اردو https://ift.tt/3FjXnGB
via IFTTT

وزیر اعظم کا سوڈان میں پاکستانیوں کی سلامتی سے متعلق اہم بیان ایکسپریس اردو

 اسلام آباد: وزیراعظم شہباز شریف نے کہا ہے کہ سوڈان میں موجود پاکستانیوں کا تحفظ اور سلامتی حکومت پاکستان کی اولین ترجیح ہے۔

ایکسپریس نیوز کے مطابق وزیر اعظم شہباز شریف نے بیان جاری کیا جس میں انہوں نے سوڈان میں موجود پاکستانیوں کے تحفظ و سلامتی کے حوالے سے تشویش کا اظہار کیا۔

وزیر اعظم کا کہنا تھا کہ سوڈان کی صورتحال پر گہری نظر ہے جبکہ پاکستانی شہریوں کی بحفاظت سلامتی اور تحفظ سے متلعق اقدامات کی مسلسل نگرانی کی جا رہی ہے۔ سوڈان میں پاکستانی سفارت خانہ پاکستانیوں کے ساتھ مسلسل رابطے میں ہے جس کے لیے واٹس ایپ گروپ بھی بنا دیا گیا ہے اور انہیں ہر ممکن سہولت فراہم کی جارہی ہے۔

شہباز شریف کا مزید کہنا تھا کہ پاکستانیوں کی سلامتی وتحفظ اور جلد انخلاء کے معاملے پر دوست ممالک اور اقوام متحدہ کے ساتھ رابطے میں ہیں۔ پاکستان کو یقین ہے کہ سوڈان کے حکام پاکستانیوں کی سلامتی و تحفظ کو یقینی بنانے کے لیے تمام اقدامات کریں گے۔

دوسری جانب سوڈان میں پاکستانی سفارتخانے نے پاکستانیوں کو گھروں میں رہنے کی ہدایت کی ہے۔ ہوائی اڈوں کو جانے والے راستے غیرمحفوظ ہونے کیوجہ سے سوڈان سے پاکستانیوں کے انخلا میں مشکلات کا سامنا ہے۔

مذید برآں سیکرٹری خارجہ نے سوڈان میں پاکستانی سفارتخانے کے ساتھ آن لائن اجلاس بھی منعقد کیا اور درپیش صورتحال پر بات چیت کی۔

The post وزیر اعظم کا سوڈان میں پاکستانیوں کی سلامتی سے متعلق اہم بیان appeared first on ایکسپریس اردو.

from ایکسپریس اردو https://ift.tt/4S5UpQ8
via IFTTT