لاہور: پاکستان تحریک انصاف (پی ٹی آئی) کے چیئرمین عمران خان نے کہا ہے کہ ملک بھر میں ہونے والے پُرتشدد مظاہروں اور واقعات میں ایجنسیز کے اہلکاروں کے ملوث ہونے کے اہم شواہد ہمارے پاس موجود ہیں، جو آزادانہ تحقیقات کی صورت میں پیش کریں گے۔
چیئرمین پی ٹی آئی نے سماجی رابطے کی سائٹ ٹویٹر پر اپنے بیان میں کہا کہ ’ہمارے پاس کسی بھی آزادانہ تفتیش میں پیش کرنے کے لیے کافی شواہد موجود ہیں جن سے ثابت ہوتا ہے کہ جلاؤ گھیراؤ اور بعض مقامات پر فائرنگ کے واقعات میں ایجنسیوں کے اہلکار ملوث تھے‘۔
عمران خان نے لکھا کہ ان واقعات کا مقصد افرا تفری پھیلانا تھا تاکہ الزام تحریک انصاف پر عائد کیا جائے اور ہمارے خلاف جاری کریک ڈاؤن کا جواز پیش کیا جائے۔
مزید پڑھیں: جناح ہاؤس حملہ، عمران خان ڈاکٹر یاسمین راشد کے دفاع میں سامنے آگئے
چیئرمین پی ٹی آئی نے کہا کہ افرا تفری پھیلا کر الزام پی ٹی آئی پر دھر دیا جاتا اور ذمہ داری عائد کر کے انتقامی کارروائی کی جاتی۔
We have ample amount of evidence to present to any independent inquiry that the arson and in some places shootings were done by agencies men who wanted to cause mayhem and blame it on PTI so the current crackdown would be justified. https://t.co/pQAcz1v6WT pic.twitter.com/NVgM0FVEnv
— Imran Khan (@ImranKhanPTI) May 15, 2023
اس سے قبل عمران خان نے جناح ہاؤس لاہور پر حملے میں ڈاکٹر یاسمین راشد کا دفاع کرتے ہوئے وقوعہ کی دو ویڈیوز بھی شیئر کیں اور اسی بات کو دہرایا کہ ہم پر الزام عائد کرنے کا مقصد کریک ڈاؤن کرنا ہے۔
The post ہمارے پاس ثبوت ہیں کہ ایجنسیوں کے لوگ پُرتشدد واقعات میں ملوث تھے، عمران خان appeared first on ایکسپریس اردو.
from ایکسپریس اردو https://ift.tt/izr37Hc
via IFTTT
No comments:
Post a Comment