اسلام آباد: وزیراعظم شہباز شریف نے پنجاب اور خیبرپختونخوا کی اسمبلی کو تحلیل ہونے سے بچانے کے لیے قانونی اور سیاسی کمیٹی تشکیل دے دی۔
ایکسپریس نیوز کے مطابق سابق صدر آصف زرداری سے ملاقات کے بعد وزیراعظم نے پی ایم ہاوس میں ایک اور اہم اجلاس طلب کیا، جس میں مسلم لیگ ن کے سئینیر پارٹی رہنماوں نے شرکت کی۔
اجلاس میں عمران خان کے اسمبلیاں تحلیل کرنے کے اعلان پر مشاورت اور پنجاب و کے پی اسمبلی میں پی ٹی آئی کا سیاسی اور قانونی طور پر بھرپور مقابلہ کرنے کا فیصلہ کیا گیا۔
مزید پڑھیں: (ن ) لیگ نے وزیراعلی پنجاب کیخلاف تحریک عدم اعتماد کی تیاری شروع کردی
وزیراعظم نے دونوں اسمبلیوں کو تحلیل ہونے سے بچانے کے لیے قانونی اور سیاسی کمیٹییاں تشکیل دے دیں۔ سیاسی کمیٹی کا کنونیئر وزیر داخلہ رانا ثنا اللہ جبکہ قانونی کمیٹی کی سربراہی اعظم نذیر تارڑ کو دی گئی ہے۔
ذرائع کے مطابق وزیر خزانہ اسحاق ڈار دونوں کمیٹیوں کو دیکھیں گے جبکہ اراکین میں ایاز صادق، خواجہ سعد ،عطا تارڑ، مریم اورنگزیب اور دیگر شامل ہیں۔
یہ بھی پڑھیں: آصف زرداری کی وزیراعظم شہباز شریف سے اہم ملاقات
وزیراعظم نے دونوں کمیٹیوں سے آئندہ دو روز میں سیاسی اور قانونی سفارشات تیار کر کے پیش کرنےہدایت بھی کی۔ سیاسی کمیٹی اتحادی جماعتوں سے بھی ملاقاتیں کریں گی۔ قانونی کمیٹی اتحادی جماعتیں کے قانون دان بھی شامل ہوں گے۔
The post وزیراعظم پنجاب اور کے پی اسمبلی کو تحلیل ہونے سے بچانے کیلیےمتحرک ہوگئے appeared first on ایکسپریس اردو.
from ایکسپریس اردو https://ift.tt/sjO7ym0
via IFTTT
No comments:
Post a Comment