پی ایس ایل فائنل کی آن لائن ٹکٹوں کی فروخت کل سے شروع ہوگی ایکسپریس اردو

 کراچی:  نیشنل اسٹیڈیم میں 17 مارچ کو شیڈول پی ایس ایل فور کےفائنل کے لیے آن لائن  ٹکٹوں کی فروخت  منگل اور بدھ کی رات 12 بجے سے شروع ہوگی۔

بارہ مارچ کو لاہورمیں ہونےوالےایلیمنیٹرمقابلے کےٹکٹس بھی آن لائن فروخت کیلیےدستیاب ہوں گے،13 مارچ کو کراچی میں کوالیفائر اور 15 مارچ کو ہونے والے ایلمنٹری ٹو مقابلے  کے ٹکٹ بھی آن لائن فروخت کے پیش کیے جائیں گے جبکہ مقررہ  ایکسپریس مراکز پر25 فروری سے ٹکٹ فروخت ہونا شروع ہوں گے۔

لیگ کےفائنل سمیت 8میچز7 تا 17 مارچ پاکستان میں شیڈول ہیں،3 میچز لاہور کے قذافی اسٹیڈیم جبکہ 5 میچز کراچی کے نیشنل اسٹیڈیم پر کھیلے جائیں گے۔

مقررہ کوریئر سروس ادارے  کے تحت آن لائن  ٹکٹ 17ہزار 989 نشتوں والے نیشنل اسٹیڈیم کے لیے جنرل انکلوثرز کے ٹکٹ 500 روپے کی شرح سے دستیاب ہوں گے، ایلیمینٹراورکوالیفائرمقابلوں کی ٹکٹس  کی شرح 3ہزار روپے تک رکھی گئی ہے جبکہ فائنل مقابلےکی ٹکٹس کی مالیت 5سو سے8ہزارروپے  تک ہے۔

دوسری جانب لیگ کے کراچی اورلاہورمیں شیڈول گروپ میچز کے لیے 17 فروری سے شروع  ہونے والے آن لائن ٹکٹس تاحال مکمل طورپرفروخت نہ ہوسکیں جبکہ آن لائن صرف 20 فی صد ٹکٹ فروخت کے لیے رکھے گئے ہیں۔

The post پی ایس ایل فائنل کی آن لائن ٹکٹوں کی فروخت کل سے شروع ہوگی appeared first on ایکسپریس اردو.

from ایکسپریس اردو http://bit.ly/2GO533w
via IFTTT