آج کا دن کیسا رہے گا ایکسپریس اردو

حمل:
21مارچ تا21اپریل

بسلسلہ کاروبار کھویا ہوا مقام حاصل کرنے میں کامیاب ہو جائیں گے، ہو سکتا ہے کسی بڑی فرم کے ساتھ آپ کو کام کرنے کا موقع مل جائے اس سے ضرور فائدہ اٹھایئے۔

ثور:
22 اپریل تا 20 مئی

غیر متوقع طور پر جائیداد کا کوئی مسئلہ حل ہو جائے گا، گھر میں مہمانوں کی آمدورفت رہے گی، رشتے داروں کے ساتھ تعلقات محدود ہی رکھیں تو بہتر ہے۔

جوزا:
21 مئی تا 21جون

کاروباری حضرات پوری ذمہ داری کے ساتھ اپنے کاموں کی تکمیل وعدہ کے مطابق کر دیں تاکہ آپ کے شریک کاروبار آپ سے بدظن نہ ہو سکیں، جلد بازی کسی بھی کام میں نہ کریں۔

سرطان:
22جون تا23جولائی

مخالفین آپ کے خلاف سازشوں کا جال تو بچھائیں گے مگر بفضل خدا آپ بچ نکلنے میں کامیاب ہو جائیں گے، گھریلو معاملات میں شریک حیات کے مشوروں کی قدر ضرور کر لیں۔

اسد:
24جولائی تا23اگست

کسی فرد سے لڑائی جھگڑا ہرگز نہ کریں، کاروبار شراکت میں ہرگز نہ کریں البتہ تنہا کرنا فائدہ مند ثابت ہو سکے گا، شریک حیات رہ معاملے میں معاون رہیں گے۔

 

سنبلہ:
24اگست تا23ستمبر

جنس مخالف میں دلچسپی نہ ہی لیں تو بہتر ہے کیونکہ اس میں سوائے وقت ضائع ہونے کے آپ کو کچھ حاصل نہ ہو سکے گا۔

میزان:
24ستمبر تا23اکتوبر

مخالفین کی سازشوں کا سدباب قبل از وقت کر لیجئے ہر معاملے کی تحقیق خود کریں، اپنی صحت کے معاملے میں ذرا محتاط ہی رہیں تو زیادہ بہتر ہے۔

عقرب:
24اکتوبر تا22نومبر

سیاسی اور سماجی کارکن اپنا وقت محتاط رہ کر گزاریں بعض الجھے ہوئے معاملات پریشانی کی وجہ بن سکتے ہیں البتہ مفت کی دولت ملنے کا امکان ہے۔

قوس:
23نومبر تا22دسمبر

کاروبار جس سطح پر چل رہا ہے چلنے دیں معمولی سی تبدیلی نقصان کا باعث بن سکتی ہے، محبوب سے وفاداری کی امید آج نہ ہی رکھیں تو زیادہ بہتر ہے۔

جدی:
23دسمبر تا20جنوری

اپنے بکھرے ہوئے خیالات کو اکٹھا کریں تاکہ بعض اہم معاملات کے سلسلے میں درست فیصلے کئے جا سکیں، سیاسی پوزیشن مضبوط ہونے کی امید ہے۔

دلو:
21جنوری تا19فروری

دوستوں کا گھر میں آنا جانا کافی حد تک کم کر دیں، بسلسلہ محبت مایوسیاں بڑھتی جائے گی، نئی ملازمت کے حصول کی کوشش بار آور ثابت ہو گی۔

حوت:
20 فروری تا 20 مارچ

کوئی مخالف صلح کا طلب گار ہو سکتا ہے، یہ صلح فائدہ مند ثابت ہو گی، ضرور کریں کاروباری سکیمیں جو آپ کافی عرصہ سے بنا رہے تھے عمل کریں کامیابی ہو گی۔

The post آج کا دن کیسا رہے گا appeared first on ایکسپریس اردو.

from ایکسپریس اردو https://ift.tt/3i3A97l
via IFTTT