گیارہ سال سے گمشدہ بچی بازیاب؛ 3 سال تک بھیک منگوائی گئی ایکسپریس اردو

 کراچی: شہر میں گیارہ سال سے گمشدہ بچی بازیاب ہوگئی جس سے 3 سال تک بھیک منگوائی گئی اور اس کی گمشدگی کے غم میں والدین بھی انتقال کرگئے۔

کراچی سٹی کورٹ میں 11 سال سے گمشدہ بچی سے متعلق سماعت ہوئی۔ ایدھی کی جانب سے 11سال قبل گمشدہ بچی کو عدالت میں پیش کردیا۔ عدالت نے 11 سال سے گمشدہ بچی تسلیم کو بڑی بہن صائمہ کے حوالے کرنے کا حکم دیدیا۔

گمشدہ بچی تسلیم نے عدالت میں بیان دیا کہ پارک میں کھیلتے ہوئے ایک شخص لے گیا تھا۔ 3 سال تک بھیک مانگواتے رہے۔ پولیس رپورٹ کے مطابق 2011 میں ایک ہمدرد خاتون نے ایدھی سینٹر میں جمع کرایا تھا۔

درخواست گزار بہن نے دائر درخواست میں موقف اپنایا تھا کہ بلدیہ کے علاقے سے 2008 میں گم ہوگئی تھی۔ والدین بچی کو یاد کرکے روتے تھے اور بہن کے گم ہونے کے غم سے انتقال کرگئے۔ ایدھی سینٹر میں بچیوں کی آویزاں تصویر سے اسے شناخت کیا۔ جس کے بعد گمشدہ بچی نے بھی بہن کی تصدیق کی تھی۔

 

The post گیارہ سال سے گمشدہ بچی بازیاب؛ 3 سال تک بھیک منگوائی گئی appeared first on ایکسپریس اردو.

from ایکسپریس اردو http://bit.ly/2UsonH4
via IFTTT