لاہور: پاکستانی فلموں کی معروف اداکارہ نیلو بیگم کو اپنے پرستاروں سے جدا ہوئے2 برس گزر گئے، نامور اداکارہ نے سپرہٹ فلم کے ’سات لاکھ‘ گانے ’آئے موسم رنگیلے سہانے‘ سے شہرت کی بلندیوں کو چھوا اور پیچھے مڑ کر نہ دیکھا۔ اداکارہ کو فلم ’زرقا‘ میں شاندار اداکاری پر نگار ایوارڈ بھی نوازا گیا۔
فلم اسٹار شان کی والدہ اور نامور فلم ڈائریکٹر ریاض شاہد کی اہلیہ نامور اداکارہ نیلو بیگم کی آج دوسری برسی ہے، سرگودھا کے نواحی قصبے بھیرہ کے مسیحی گھرانے میں 30 جون 1940 کو آنکھ کھولنے والی سنتھیا الیگزینڈر فرنینڈس فلمی دنیا کی نیلو بنی۔
نیلو بیگم نے 1956 میں ہالی وڈ فلم ’بھوانی جنکشن‘ کے ذریعے فلمی صنعت میں قدم رکھا مگر پاکستانی فلم انڈسٹری میں انہیں شہرت 1957 کی سپرہٹ فلم ’سات لاکھ‘ کے گانے ’آئے موسم رنگیلے سہانے‘ میں پرفارم کرنے سے ملی۔
نیلو بیگم نے اپنے فنی کیریئر میں دوشیزہ، عذرا، زرقا، بیٹی، ڈاچی، جی دار، شیر دی بچی اور ناگن جیسی سپرہٹ فلموں میںاداکاری کے جوہر دکھا کر لاکھوں پرستارو ں کے دلوں پر راج کیا۔
نیلوبیگم کے صاحبزادے شان آج بھی پاکستان فلم انڈسٹری کے جھومر سمجھے جاتے ہیں، ان کی حال ہی میں ریلیز ہونے والی فلم ”ضرار“ نے تہلکہ مچا رکھا ہے۔
نیلو بیگم طویل عرصہ کینسر کے مرض میں مبتلا رہنے کے بعد 30 جنوری 2021 کوانتقال کر گئیں لیکن وہ فنی خدمات کی بنا پر اپنے پرستاروں کے دلوں میں زندہ رہیں گی۔میاں اصغر سلیمی ایکسپریس نیوز لاہور
The post اداکارہ نیلو بیگم کو بچھڑے 2 سال بیت گئے appeared first on ایکسپریس اردو.
from ایکسپریس اردو https://ift.tt/0mNTOJK
via IFTTT
No comments:
Post a Comment