اسلام آباد: پاکستان ہاکی فیڈریشن کے صدر میر طارق حسین بگٹی نے برگیڈیئر (ر) مسرت اللہ خان کو اپنا مشیر مقرر کردیا۔
صدر پاکستان ہاکی فیڈریشن میر طارق حسین بگٹی نے برگیڈیئر (ر) مسرت اللہ خان کو اپنا مشیر تعینات کرتے ہوئے نوٹیفکیشن جاری کردیا ہے۔ مسرت اللہ خان سیکرٹری جنرل پاکستان ہاکی فیڈریشن کے عہدے پر بھی فائز رہ چکے ہیں۔
میر طار ق حسین بگٹی نے مسرت اللہ خان کی پاکستان ہاکی کے معاملات میں بصیرت اور اسپورٹس انفراسٹکچر مینجمنٹ میں وسیع تجربہ اور اہلیت کی بنیاد پر تقرری کی ہے۔
صدر پی ایچ ایف میر طارق حسین بگٹی نے کہا ہے کہ برگیڈیئر (ر) مسرت اللہ خان کے تجربات اور انکی پیشہ ورانہ خدمات سے پاکستان ہاکی میں جدت اور پیشہ ورانہ کھیل کا رجحان متعارف کرائینگے۔
انہوں نے مزید کہا کہ کارپوریٹ سیکٹر کو قومی کھیل کی طرف مائل کرنے کے لئے اسٹریٹیجک پلاننگ کی ضرورت ہے جس کے لئے بہترین پیشہ ورانہ خدمات کے بارے میں بھی غور و خوض کیا جارہا ہے۔
The post برگیڈیئر (ر) مسرت اللہ خان صدر ہاکی فیڈریشن کے مشیر مقرر appeared first on ایکسپریس اردو.
from ایکسپریس اردو https://ift.tt/k9YxKbO
via IFTTT
No comments:
Post a Comment