لندن: معروف ویڈیو شیئرنگ ایپ ٹک ٹاک پر 110 سالہ خاتون کی گائیکی نے دھوم مچا دی۔
برطانوی خبر رساں ادارے کے مطابق ایمی ہاکنز نے اپنی 110 ویں سالگرہ پر پہلی عالمی جنگ کا مقبول ترین گیت ’’اٹس اے لانگ وے ٹو ٹپریری‘‘ گایا جسے ان کی 14 سالہ پڑ پوتی ساشا نے ریکارڈ کیا اور اسے ٹک ٹاک پر شیئر کردیا، جسے اب تک ایک لاکھ افراد دیکھ چکے ہیں۔
ہاکنز کی بیٹی اور ساشا کی ماں ہنا فریمن کا کہنا ہے کہ ویڈیو کو ملنے والی پذیرائی اس بات کا ثبو ت ہے کہ دنیا میں ابھی انسانیت باقی ہے۔
ایک صدی سے زیادہ عمر پانے والی ہاکنز پہلی جنگ عظیم کے وقت 7سال کی تھیں اور انھیں آج بھی اس دور کی بہت سی باتیں اور بالخصوص گیت اچھی طرح یاد ہیں۔ ان کی بیٹی کا کہنا ہے کہ گیت سنانے کی فرمائش کی جائے تو وہ ایک کے بعد ایک سنائے چلی جاتی ہیں اور ہر بار پوچھتی ہیں کہ ایک اور سناؤں؟
دل چسپ بات یہ ہے کہ بچپن میں ہاکنز کی والدہ نے انہیں اسٹیج پر پرفارم کرنے سے روک دیا تھا جب کہ وہ فنکار بننے کی خواہش رکھتی تھیں۔ انہیں گانے سے بہت گہرا لگاؤ ہوگا تبھی اس عمر رسیدگی میں بھی ان کی خواہش پوری ہوگئی ہے اور 1 ارب صارفین رکھنے والی ٹک ٹاک ایپ پر ہاکنز اپنی گائیکی کے بے ساختہ انداز کی وجہ سے دن بہ دن تیزی سے مقبول ہورہی ہیں۔
ہاکنز کا کہنا ہے کہ میرے گیت سننے والوں کے کمنٹ پڑھنے سے معلوم چلتا ہے کہ ان کی آنکھیں بھیگ جاتی ہیں کیوں کہ میرے گیت اپنوں کے بچھڑنے کے غم کی یاد منانے کے لیے ہوتے ہیں۔
The post ٹک ٹاک پر 110 سالہ خاتون کی گائیکی نے دھوم مچا دی appeared first on ایکسپریس اردو.
from ایکسپریس اردو https://ift.tt/3r6Ocgh
via IFTTT
No comments:
Post a Comment