رنگ چھوڑتی بلی کی دس سال پرانی ویڈیو 5 لاکھ 87 ہزار ڈالر میں فروخت ایکسپریس اردو

 لندن: بلی کی ایک گِف دس سال قبل یوٹیوب پر ڈالی گئی تھی جسے اب تک کروڑوں افراد دیکھ چکے ہیں اور اب اسے بطور این ایف ٹی فروخت کیا گیا ہے۔ اس کی قیمت سن کر ہوش اڑجاتے ہیں کیونکہ یہ پانچ لاکھ 87 ہزار ڈالر میں فروخت ہوئی ہے جو پاکستانی روپوں میں نو کروڑ ستتر لاکھ روپے کے برابر ہے۔

اس گف کو بہت سے لوگوں نے پسند کیا اور یہ دنیا بھر میں تیزی سے مقبول ہوئی یہاں تک کہ اس پر کئی اقسام کے خاکے اور ڈرائنگ بھی بنائی گئیں۔ کرس ٹورس نامی فنکار نے اسے ڈیزائن کیا تھا جبکہ بعد ازاں اس کی مقبولیت کو دیکھتے ہوئے اس کی ایک ویب سائٹ بھی بنوائی گئی ہے۔

جمعے کے روز اسے بطور ڈجیٹل اثاثہ فروخت کیا گیا ہے جس کے لیے کرپٹو کرنسی کی 300 ایتھر رقم دی گئی ہے۔ اس وقت 300 ایتھر کی رقم پانچ لاکھ 87 ہزار ڈالر کے برابر ہے۔ اس کے خالق نےبتایا ہے کہ وہ اسے فروخت کرنے کا ارادہ نہیں رکھتے تھے کیونکہ یہ اپنی نوعیت کی واحد تخلیق ہے جس نے ایک پوری نسل کو اپنا گرویدہ بنایا ہے۔ یہاں تک کہ اب بھی لوگ اسے دیکھ رہے ہیں۔

تاہم اس گِف میں بعض تبدیلیاں کی ہیں اور کئی جگہوں سے رنگوں کو بہتر بنایا ہے۔ اس لیے اب یہ ترمیم کے بعد بطور این ایف ٹی فروخت کی گئی ہے تاہم پرانا اور اولین ورژن ابھی موجود ہے۔

The post رنگ چھوڑتی بلی کی دس سال پرانی ویڈیو 5 لاکھ 87 ہزار ڈالر میں فروخت appeared first on ایکسپریس اردو.

from ایکسپریس اردو https://ift.tt/3mGGWZx
via IFTTT