فرانس میں پولیس کے ہاتھوں نوجوان کے قتل کے خلاف پرتشدد احتجاج تیسرے روز میں داخل ہوگیا جبکہ فرانس کے مختلف شہروں میں کرفیو نافذ کردیا گیا ہے۔
غیرملکی خبررساں ادارے ’رائٹرز‘ کے مطابق فرانس کے شہر تولوز سمیت کئی شہروں میں پولیس کے ساتھ مظاہرین کی جھڑپیں رپورٹ ہوئی ہیں جبکہ مظاہرین کے پرتشدد حملوں میں درجنوں گاڑیوں کو آگ لگا دی گئی۔
پولیس ذرائع کے مطابق فرانسیسی حکام نے مزید پرتشدد مظاہروں کو روکنے کے لیے انتظامات کیے ہیں۔ واضح رہے کہ مظاہرین نے اسکولوں سمیت پولی اسٹیشن اور دیگر املاک کو بھی نذر آتش کردیا ہے۔
دوسری جانب پولیس نے دعویٰ کیا ہے کہ ہنگامہ آرائی میں ملوث 150 سے زائد افراد کو گرفتار کیا جا چکا ہے۔ واضح رہے کہ فرانسیسی پولیس نے پیرس کے نواحی علاقے میں نائل نامی ایک نوجوان کار سوار کو گولی مار دی تھی۔
مذکورہ واقعے میں نائل کی موت واقع ہوئی اور ساتھ ہی شہری سڑکوں پر نکل آئے۔
The post پولیس کے ہاتھوں نوجوان قتل؛ فرانس میں پرتشدد واقعات کے بعد کرفیو نافذ appeared first on ایکسپریس اردو.
from ایکسپریس اردو https://ift.tt/67RzJ5e
via IFTTT
No comments:
Post a Comment