ممبئی: بالی ووڈ کے نامور کوریوگرافر وہدایت کار ریمو ڈیسوزا کی فلم ’اے بی سی ڈی تھری‘ میں شردھا کپور ایک بار پھر ورون دھون کیساتھ جلوے بکھیریں گی۔
بالی ووڈ انڈسٹری میں بطور کوریوگرافر اپنا مقام بنانے والے ریمو ڈیسوزا کی بطور ہدایت کار کامیاب ترین فلم ’اے بی سی ڈی‘ ثابت ہوئی جو ڈانس پر مبنی تھی جس کے بعد انہوں نے فلم کے سیکوئل بنانے کا فیصلہ کیا اور اس میں ورون دھون اور شردھا کپور کو کاسٹ کیا جو نہ صرف سپر ہٹ ثابت ہوئی بلکہ فلم نے 100 کروڑ کلب میں بھی شامل ہونے کا اعزاز حاصل کیا اور اب انہوں نے فلم کا ایک اور سیکوئل بنانے کا فیصلہ کیا ہے۔
اس خبر کو بھی پڑھیں؛ فلم’’اے بی سی ڈی 2‘‘ 100 کروڑ کلب میں شامل
بھارتی میڈیا رپورٹس کے مطابق فلم ’اے بی سی ڈی تھری‘ کے لیے ورون دھون کے ساتھ کترینہ کیف کو کاسٹ کیا گیا تھا اور فلم میں انہوں نے پاکستانی ڈانسر کا کردار ادا کرنا تھا تاہم بالی ووڈ کی باربی ڈول نے گزشتہ روز فلم کرنے سے معذرت کردی تھی، جس کی وجہ انہوں نے بالی ووڈ سلطان سلمان خان کی فلم ’بھارت‘ کی شوٹنگ شیڈول کو قرار دیا۔
اس خبر کو بھی پڑھیں؛ کترینہ کیف نے پاکستانی اداکارہ بننے سے انکار کردیا
ذرائع کے مطابق کترینہ کے انکار کے بعد ہدایت کار ریمو ڈیسوزا نے ’اے بی سی ڈی تھری‘ کے لیے شردھا کپور کو ایک بار پھر ورون دھون کے ساتھ مرکزی کردار میں کاسٹ کرنے کا فیصلہ کیا ہے۔ فلم کی شوٹنگ جنوری میں شروع کی جائے گی جو 8 نومبر 2019 کو سینما گھروں کی زینت بنے گی۔
The post ورون دھون اور شردھا کپور ایک بار پھر ساتھ جلوہ گر ہوں گے appeared first on ایکسپریس اردو.
from ایکسپریس اردو http://bit.ly/2AoURL0
via IFTTT
No comments:
Post a Comment