سول جج کی اہلیہ کا ملازمہ پر تشدد؛ وزیراعظم نے وزیراعلیٰ پنجاب سے رپورٹ طلب کرلی ایکسپریس اردو

 اسلام آباد: وزیراعظم شہباز شریف نے سول جج اسلام آباد کی اہلیہ کے ہاتھوں 14 سالہ ملازمہ رضوانہ پر بدترین تشدد کے واقعے کا نوٹس لیتے ہوئے وزیراعلیٰ پنجاب سے رپورٹ طلب کرلی۔ 

 

تفصیلات کے مطابق وزیراعظم شہباز شریف نے وزیر اعلی پنجاب سید محسن نقوی کو بچی کو علاج کی بہترین سہولیات کی فراہمی کی ہدایت کی۔ انہوں نے ہدایت دی کہ مظلوم بچی کو انصاف کی فراہمی یقینی بنائی جائے۔

مزیدپڑھیں: جج کی بیوی کا گھریلو ملازمہ پر بہیمانہ تشدد

انہوں نے کہا کہ ملزم کون ہے، اسے خاطر میں نہ لایا جائے، انصاف کی فراہمی یقینی بنائی جائے، قانون پر عملدرآمد یقینی بنایا جائے، ظالم اور قانون شکن رعایت کے مستحق نہیں، پولیس کسی دباؤ کو خاطر میں لائے بغیر قانون پر سختی سے عمل کرے۔

وزیراعظم نے کہا کہ معاشرہ ایسی اندھیرنگری اور ظلم وجبر کا متحمل نہیں ہوسکتا۔

The post سول جج کی اہلیہ کا ملازمہ پر تشدد؛ وزیراعظم نے وزیراعلیٰ پنجاب سے رپورٹ طلب کرلی appeared first on ایکسپریس اردو.

from ایکسپریس اردو https://ift.tt/3naVPMI
via IFTTT