کراچی: ڈیفنس میں ڈاکوؤں سے مقابلے میں ایک پولیس اہلکار شہید اور دوسرا شدید زخمی ہوگیا۔
ایکسپریس نیوز کے مطابق اتوار کی شب ڈیفنس سگنل گولڈ مارک شاپنگ مال کے قریب ڈسٹرکٹ ساوتھ کی شاہین فورس نے موٹر سائیکل سوار تین ملزمان کو رکنے کا اشارہ کیا تو انہوں نے فرار ہونے کی کوشش میں پولیس پر اندھا دھند فائرنگ کردی۔
فائرنگ سے ٹریفک کی روانی درہم برہم ہوگئی تاہم اہلکاروں نے بہادری سے ملزمان کا تعاقب کیا اور جوابی فائرنگ میں ایک ملزم کو زخمی کردیا۔ ڈاکو وہاں سے گزرنے والے ایک شہری کی موٹرسائیکل چھین کر اپنے زخمی ساتھی کو لیکر فرار ہوگئے۔
واقعے کی اطلاع پر پولیس کی بھاری نفری اور ریسکیو عملہ موقع پر پہنچ گیا۔ زخمی اہلکاروں کو جناح اسپتال منتقل کیا جارہا تھا کہ راستے میں اہلکار 25 سالہ عدنان دم توڑ گیا جبکہ اسکے ساتھی اظہر ملک کو جناح اسپتال میں طبی امداد جارہی ہے۔
پولیس حکام کے مطابق ناکہ بندی کرکے ملزمان کی تلاش شروع کردی گئی ہے جبکہ اسپتالوں میں بھی زخمی ملزم کو تلاش کیا جارہا ہے۔
کراچی پولیس چیف جاوید عالم اوڈھو نے جناح اسپتال پہنچ کر زخمی اہلکار کی عیادت کی اور پولیس افسران کو اسکا بہترین علاج کرانے کی ہدایت کی۔
کراچی پولیس چیف نے میڈیا سے بات کرتے ہوئے کہا اس واقعے میں شاہین فورس کا ایک جوان شہید اور ایک زخمی ہوا ہے۔ جائے وقوعہ کی سی سی ٹی وی فوٹیج حاصل کی جارہی ہے، ملزمان بہت جلد قانون کے کہٹرے میں ہونگے۔
The post کراچی میں ڈاکوؤں سے مقابلے کے دوران ایک پولیس اہلکار شہید، دوسرا شدید زخمی appeared first on ایکسپریس اردو.
from ایکسپریس اردو https://ift.tt/imoIygL
via IFTTT
No comments:
Post a Comment