کراچی: معروف گلوکارہ مہناز بیگم کی 9 ویں برسی آج منائی جا رہی ہے۔
چار دہائیوں تک اپنی مدھر آواز سے فلمی گیتوں کو امر کرنے والی گلوکارہ مہناز 1955ء کو کراچی میں پیدا ہوئیں، ان کا اصل نام تسنیم تھا۔ وہ برصغیر کی معروف مغنیہ اور سوزخواں کجن بیگم کی صاحب زادی تھیں۔
گیتوں کے ذریعے جلد ان کی شہرت ٹی وی سے فلم اسکرین تک پھیل گئی۔ گلوکارہ مہناز نے باقاعدہ طور پر 1972ء میں فنِ موسیقی میں قدم رکھا اور ریڈیو، ٹی وی اور فلم میں اپنی مسحور کن آواز سے لاتعداد گیتوں کو پہچان دی۔
مہناز نے مجموعی طور پر 1500ء سے زائد گانے ریکارڈ کروائے۔ وہ اس حوالے سے بھی خوش قسمت تھیں کہ ابتداء میں ہی انہیں نثار بزمی، روبن گھوش، سہیل رانا، وجاہت عطرے سمیت دیگر نامور موسیقاروں کے ساتھ کام کرنے کا موقع ملا۔
فنی خدمات پر مہناز کو 13 مرتبہ نگار فلم ایوارڈ سے نوازاگیا۔ وہ موت سے قبل طویل عرصے علیل رہیں۔ انہوں نے 19 جنوری 2013ء کو کراچی سے امریکا کا رختِ سفر باندھا لیکن دورانِ پرواز مہناز بیگم کی حالت بگڑنے پر انہیں بحرین کے ایک اسپتال منتقل کیا گیا جہاں وہ خالق حقیقی سے جاملی۔
The post معروف گلوکارہ مہناز بیگم کو مداحوں سے بچھڑے 9 برس بیت گئے appeared first on ایکسپریس اردو.
from ایکسپریس اردو https://ift.tt/3GVEdTD
via IFTTT
No comments:
Post a Comment