FBR، اسٹیک ہولڈرز سے انکم ٹیکس اور کسٹمز پربجٹ تجاویز طلب ایکسپریس اردو

اسلام آباد: ایف بی آرنے ملک بھر کے چیمبرز آف کامرس، تاجر تنظیموں سمیت تمام متعلقہ اسٹیک ہولڈرز سے انکم ٹیکس اور کسٹمز سے متعلق بجٹ تجاویز مانگ لی ہیں۔

ایف بی آرنے آئندہ مالی سال 2022-23کے وفاقی بجٹ میں مقامی انڈسٹری کو تیار کردہ فائنل گڈز پر ٹیرف میں تحفظ دینے،خام مال پر ڈیوٹی ٹیکسوں میں رعایات، مرحلہ وار ٹیکس چھوٹ ختم کرنے، ٹیکس نیٹ بڑھانے، ٹیکس تفریق اور اناملیز دور کرنے کیلیے فیڈریشن آف پاکستان چیمبرز آف کامرس اینڈ اندسٹریز اور ملک بھر کے دیگر چیمبرز آف کامرس، تاجر تنظیموں سمیت تمام متعلقہ اسٹیک ہولڈرز سے انکم ٹیکس اور کسٹمز سے متعلق بجٹ تجاویز مانگ لی ہیں۔

ایف بی آر کی جانب سے تاجر تنظیموں اور چیمبرز آف کامرس سے کہا گیا ہے کہ انکم ٹیکس،سیلز ٹیکس اور پاکستان کسٹمز سے متعلق تجاویز 31 مارچ تک فیڈرل بورڈ آف ریونیو کو بھجوائی جائیں.

ایف بی آر حکام کے مطابق تمام فیڈریشن آف پاکستان چیمبرز آف کامرس اینڈ انڈسٹری سمیت تمام متعلقہ سٹیک ہولڈرز کو لیٹر ارسال کئے ہیں جن میں کہا گیا ہے کہ ایف بی آر نے فنانس بل 2022-23 کیلئے بجٹ تجاویز پر کام شروع کردیا ہے جس کیلیے تمام اسٹیک ہولڈرز کی مشاورت سے تجاویز تیار کی جارہی ہیں۔

 

The post FBR، اسٹیک ہولڈرز سے انکم ٹیکس اور کسٹمز پربجٹ تجاویز طلب appeared first on ایکسپریس اردو.

from ایکسپریس اردو https://ift.tt/3rss0PF
via IFTTT