کوئٹہ: آرمی چیف جنرل قمرجاوید باجوہ نے اس عزم کا اظہار کیا ہے کہ بلوچستان کی سلامتی، استحکام اورخوشحالی کوہرقیمت پریقینی بنایا جائےگا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف نے بلوچستان کے ضلع کیچ اور تربت کا دورہ کیا اورپورا دن جوانوں کے ساتھ گزارا۔
اس موقع پر آرمی چیف جنرل قمر جاوید باجوہ نے کہا کہ دشمن قوتوں کی طرف سےخلل ڈالنے والی کوششوں کوکامیاب نہیں ہونےدیا جائے گا۔
مزیدپڑھیں: کرپشن کے خاتمے کا وعدہ پہلے 90 دن میں پورا کردیا تھا، وزیراعظم
آئی ایس پی آر کے مطابق آرمی چیف کوہیڈکوارٹرزایف سی بلوچستان جنوبی میں پاک ایران باڑ لگانےسمیت سیکیورٹی اقدامات پربریفنگ دی گئی۔
آرمی چیف جنرل قمر جاوید باجوہ نے کہا کہ بلوچستان پاکستان کا مستقبل ہے، صوبےکی ترقی اورخوشحالی کامطلب ملک کی ترقی ہے، صوبائی حکومت کےساتھ امن اوراستحکام کیلیے تعاون کرتےرہیں گے۔
جنرل باجوہ نے کہا کے فوج امن کی بحالی و ترقی کے لیے بلوچستان حکومت کی بھرپور مدد کرے گی۔
آرمی چیف کی آمد پر کورکمانڈرلیفٹیننٹ جنرل سرفرازعلی نے استقبال کیا۔ علاوہ ازیں انہوں نےایف سی کی خواتین اہلکاروں سےبھی ملاقات کی۔
آرمی چیف جنرل قمر جاوید باجوہ کا دورہ تربت کئی حوالوں سے اہم ہے کیونکہ انہوں وہ کیچ واقعہ کے فوری بعد وہاں پہنچے جہاں دو روز قبل دہشت گردوں نے چیک پوسٹ کو نشانہ بنا کر 10 سیکیورٹی اہلکاروں کو شہید کیا تھا۔ کیچ چیک پوسٹ پر تعینات فوجی دستوں سے آرمی چیف نے واقعے کی براہ راست معلومات حاصل کیں۔
چیف آف آرمی اسٹاف نے فوجی دستوں کے ساتھ پورا دن گزار اور اُن کے عزم و حوصلے کو بڑھایا۔
The post بلوچستان کی سلامتی، استحکام اورخوشحالی کو ہر قیمت پریقینی بنایا جائے گا، آرمی چیف appeared first on ایکسپریس اردو.
from ایکسپریس اردو https://ift.tt/FV85RnhbJ
via IFTTT
No comments:
Post a Comment