اسلام آباد: وزیراعظم شہباز شریف نے آڈیو لیکس کے معاملے پر قومی سلامتی کمیٹی کا اجلاس کل طلب کرلیا۔
ایکسپریس نیوز کے مطابق نیشنل سیکیورٹی کمیٹی کا اجلاس کل شام 4 بجے وزیراعظم ہاؤس میں شہباز شریف کی زیر صدارت ہوگا، جس میں عسکری اور سول قیادت شرکت کرے گی۔ اجلاس میں وزیراعظم ہاؤس سے لیک ہونے والی آڈیوز سمیت دیگر سلامتی کے امور پر مشاورت کی جائے گی جبکہ سیلاب اور ملکی معاملات پر بھی بات چیت ہوگی جبکہ عسکری قیادت امن و امان کی صورتحال کے حوالے سے بریفنگ دے گی۔
سرکاری اعلامیے میں کہا گیا تھا کہ اجلاس میں وزیر دفاع، وزیر داخلہ، وزیر اطلاعات، وزیر خزانہ سمیت اہم وزرا بھی شریک ہوں گے۔
مزید پڑھیں: آڈیو لیکس میں کوئی غلط بات ہوئی تو قوم سے معافی مانگ لوں گا، وزیراعظم
دوسری جانب وفاقی کابینہ کا اجلاس بھی کل ہی ہوگا، جس میں سینیٹر اسحاق ڈار وزیر خزانہ کی حیثیت سے شریک ہوں گے۔ وزیراعظم کابینہ کو دورہ امریکا سے متعلق اعتماد میں لیں گے جب کہ اجلاس میں ملکی سیاسی و معاشی صورت حال، سیلاب زدگان کی بحالی اور عالمی امداد پر بھی غور کیا جائے گا۔
ذرائع کے مطابق وفاقی کابینہ اہم اجلاسوں کی آڈیو ریکارڈنگز لیک ہونے کے معاملے پر بھی غور کرے گی۔
The post آڈیو لیکس: وزیراعظم نے قومی سلامتی کمیٹی کا اجلاس کل طلب کرلیا appeared first on ایکسپریس اردو.
from ایکسپریس اردو https://ift.tt/mwV8FOk
via IFTTT
No comments:
Post a Comment