کراچی: ایم کیو ایم پاکستان کے رکن سندھ اسمبلی صداقت حسین کی رہائش گاہ اورنگی ٹاؤن سیکٹر ساڑھے گیارہ عزیز نگر میں فائرنگ کے واقعہ سے علاقے میں خوف و ہراس پھیل گیا۔
ایکسپریس نیوز کے مطابق واقعہ گھر کے باہر ڈاکوؤں کی فائرنگ سے پیش آیا ، گھر کے مرکزی گیٹ پر بھی گولیاں لگیں ، خوش قسمتی سے کوئی جانی نقصان نہیں ہوا ۔
اس حوالے سے صداقت حسین نے بتایا کہ وہ گھر پر موجود نہیں تھے،اہلخانہ نے فون کر کے بتایا کہ گھر کے باہر فائرنگ ہوئی ہے، جب اس کی معلومات حاصل کی گئیں تو واقعہ ڈکیتی کے دوران ڈاکوؤں کی فائرنگ کا نکلا۔
انھوں نے بتایا کہ کچھ افراد اپنے دستاویزات کی تصدیق کے لیے میرے گھر آئے تھے اور وہ گلی میں کھڑے تھے کہ موٹر سائیکلوں پر سوار 4 ڈاکو آئے اور انھوں نے لوٹ مار کے دوران مزاحمت پر فائرنگ کی، فائرنگ کے نتیجے میں گولیاں ان کے گھر کے مرکزی گیٹ پر بھی لگیں تاہم خوش قسمتی سے کوئی جانی نقصان نہیں ہوا۔
ان کا کہنا تھا کہ میں گزشتہ ایک ہفتے سے پاکستان بازار تھانے کی حدود میں ڈکیتی کی بڑھتی ہوئی وارداتوں کے حوالے سے بتا رہا تھا۔
اس حوالے سے ایس پی اورنگی ٹاؤن قیس خان نے بتایا کہ اطلاع ملنے پر پولیس موقع پر پہنچ گئی اور صورتحال کا جائزہ لیتے ہوئے واقعہ کی تفصیلات معلوم کیں، اس حوالے سے سیکیورٹی کو مزید بڑھایا جارہا ہے۔
The post ایم کیو ایم رکن سندھ اسمبلی کے گھر کے باہر فائرنگ appeared first on ایکسپریس اردو.
from ایکسپریس اردو https://ift.tt/UGB9zIR
via IFTTT
No comments:
Post a Comment