نیویارک: وزیر خارجہ بلاول بھٹو نے کہا ہے کہ موسمیاتی تبدیلیوں سے متاثر ہ ممالک کے معاشی سہارے کیلئے قرضوں کو ری شیڈول کیا جائے۔
نیویارک میں میڈیا سے گفتگو کرتے ہوئے بلاول بھٹو زرداری کاکہنا تھا کہ ترقی پزیر ممالک کو برآمدات بڑھانے کیلئے ترجییحی مراعات دینی ہونگی ،پاکستان کے ساتھ تعاون کرنے پر عالمی برداری کے شکر گزار ہیں،ماحولیاتی تبدیلیوں کا قصور وار پاکستان نہیں ہے۔
انکا کہنا تھا کہ سیلابی صورتحال کے پیش نظر فلیش اپیل کی گئی ،پاکستان کا ایک تہائی حصہ سیلاب میں ڈوبا ہوا ہے،سیکریٹری جنرل اقوام متحدہ انتونیو گوٹریس نے پاکستان میں سیلاب زدہ علاقوںکا دورہ کیا ،متاثرہ علاقوں کی بحالی میں بڑے چیلنجز کا سامنان ہے۔
بلاول بھٹو کا کہنا تھا کہ متاثرہ علاقوں کیلئے فوری خوارک کی ضرورت ہے ،موسمیاتی تبدیلیوں سے متاثرہ علاقوں کی مدد کی جائے ،ترقی پذیر ممالک عوامی فلاح کیلئ ترقی یافتہ ممالک کی مدد کریں۔
وزیر خارجہ نے بتایا کہ سیلاب سے 3کروڑ 30 لاکھ افراد متاثر ہوئے ،پاکستان کو سیلاب کی شکل میں تاریخ کی بڑی قدرتی آفت کا سامنا ہے،پاکستان کو جن مسائل کا سامنا ہے ان کا سبب ہم نہیں ہیں۔
پڑوسی ممالک سے متعلق پوچھ گئے سوالت کے جواب میں ان کا کہنا تھا کہ احتجاج اور مظاہروں کے حوالے سے ایران کی اپنی ایک تاریخ ہے، اسلام نے خواتین کو ان کے حقوق دیے،صرف افغانستان ہی نہیں پوری دنیا میں خواتین کو حقوق ملنے چاہئیں،فلسطین کے مسئلہ پر پاکستان کا موقف واضح ہے۔
The post موسمیاتی تبدیلیوں سے متاثر ہ ممالک کےقرضوں کو ری شیڈول کیا جائے، وزیر خارجہ appeared first on ایکسپریس اردو.
from ایکسپریس اردو https://ift.tt/xH7weBo
via IFTTT
No comments:
Post a Comment