اسلام آباد: عمران خان نے وزیراعلیٰ پنجاب کے انتخاب سے متعلق عدالتی فیصلے کو تاریخی قرار دیتے ہوئے کہا کہ پنجاب میں اب عوامی حکومت قائم ہوگئی۔
ایکسپریس نیوز کے مطابق سابق وزیر اعظم و چیئرمین پاکستان تحریک انصاف عمران خان نے وزیراعلیٰ پنجاب سے متعلق ڈپٹی اسپیکر کی رولنگ کے خلاف دئیے گئے سپریم کورٹ کے فیصلے کو تاریخی قرار دیا ہے۔
عمران خان نے اپنے ٹوئٹ میں سپریم کورٹ کے ججز کو ہر طرح کی دھمکیوں اور بدسلوکی کے سامنے ڈٹے رہنے اور آئین و قانون کی حکمرانی بحال کرنے پر سراہا۔
I appreciate our SC judges for standing firm & upholding the Constitution & law, against all manner of threats & abuse. I want to thank Barrister Ali Zafar & his team. I want to thank the people of Punjab for coming out in unprecedented numbers in bye elections against rigging.
— Imran Khan (@ImranKhanPTI) July 26, 2022
انہوں نے عدالت عظمیٰ میں دلائل دینے اور ڈپٹی اسپیکر کی رولنگ کیخلاف دائر کیس میں فتح حاصل کرنے پر تحریک انصاف کے وکیل بیرسٹر علی ظفر اور ان کی ٹیم کا شکریہ ادا کیا۔ عمران خان نے دھاندلی کے خلاف ضمنی انتخابات میں بڑی تعداد میں نکلنے پر پنجاب کی عوام کا بھی شکریہ ادا کیا۔ سابق وزیراعظم نے کہا کہ عدالتی فیصلے سے عوامی مینڈیٹ کو کامیابی ملی، اب پنجاب میں عوامی حکومت قائم ہوگئی ہے۔ عمران خان نے کل یوم تشکر منانے کا اعلان کرتے ہوئے کہا کہ حقیقی آزادی کےلیے کھڑے رہنے والے عوام کے ہمراہ کل جشن منائیں گے اور اللہ تعالیٰ کا خاص شکر ادا کریں گے۔
Tomorrow evening we will offer thanks to Allah & celebrate with all the people of Pakistan who have stood by us in our campaign for Haqeeqi Azadi, coming out in massive numbers to show support. #ShukrAllahShukriyaAwam
— Imran Khan (@ImranKhanPTI) July 26, 2022
درایں اثناء عمران خان کی زیر صدارت پارٹی رہنماؤں کا اجلاس بھی جاری ہے جس میں سپریم کورٹ کے فیصلے کے بعد کی صورتحال پر مشاورت کی جارہی ہے۔
اجلاس میں تحریک انصاف کے مرکزی رہنما فواد چودھری، شہباز گل، عمران اسماعیل، سینیٹر سیف اللہ خان نیازی، شیری مزاری، ڈاکٹر شہزاد وسیم اور سینیٹر فیصل جاوید خان شریک ہوئے۔
The post آئین و قانون کی حکمرانی بحال کرنے پر سپریم کورٹ کے ججز کو سراہتا ہوں، عمران خان appeared first on ایکسپریس اردو.
from ایکسپریس اردو https://ift.tt/7DsWUiw
via IFTTT
No comments:
Post a Comment