اسلام آباد: ایئر چیف مارشل مجاہد انور خان کا کہنا ہے نئے ریڈار کے ساتھ جے ایف 17 تھنڈر بلاک تھری کی تیاری رواں سال شروع کی جائے گی۔
غیر ملکی جریدے “جینز” کو انٹرویو دیتے ہوئے پاک فضائیہ کے سربراہ ایئرچیف مارشل مجاہد انورخان کا کہنا تھا کہ جدید ترین لڑاکا طیارے جے ایف 17 تھنڈر بلاک 3 کی تیاری رواں سال شروع ہوگی، امید ہے جے ایف 17 تھنڈر بلاک 3، نئے ریڈار کے ساتھ مارچ 2020ء تک آپریشنل ہوگا ، اییسا ریڈار بنانے والی 2 چینی کمپنیوں میں سے ایک کا انتخاب جلد کیا جائے گا۔
رپورٹ کے مطابق پاک فضائیہ میں مزید تین جے ایف 17 تھنڈر بلاک ٹو طیارے جون میں شامل کئے جائیں گے۔ جس سے اِن طیاروں کی کھیپ مکمل ہو جائے گی۔ اس کے علاوہ مقامی سطح پر تیار کردہ دو نشستوں والا جے ایف 17 تھنڈر بی بھی تربیتی امور کیلئے شامل کیا جا رہا ہے، جے ایف 17 تھنڈر بلاک ٹو جدید ترین کثیر الکردار، مہلک لڑاکا طیارہ ہے۔
پاکستان ایروناٹیکل کمپلکس نے 2009 سے اب تک 10 سال میں 100 جے ایف 17 تھنڈر طیارے بنائے ہیں۔
The post جے ایف 17 تھنڈر نئے ریڈار کے ساتھ مارچ 2020 تک آپریشنل ہوگا، ایئرچیف مارشل appeared first on ایکسپریس اردو.
from ایکسپریس اردو http://bit.ly/2Q86Pz7
via IFTTT
No comments:
Post a Comment