لاہور سے 3 سالہ بچی کو اغوا کرلیا گیا ایکسپریس اردو

 لاہور: شادباغ سے 3 سالہ بچی کو اغوا کرلیا گیا جب کہ پولیس نے اغوا کا مقدمہ درج کرکے بچی کی تلاش شروع کردی ہے۔

لاہور کے علاقے شاد باغ میں 3 سالہ حبہ جنت خالہ زاد کےساتھ دکان سے چیز لینے گئی جہاں نامعلوم شخص نے بچی کو اغوا کرلیا اور فرار ہوگیا، بچی کے اغوا کی سی سی ٹی وی وڈیو منظر عام پر آگئی ہے جس میں دیکھا جاسکتا ہے کہ نامعلوم شخص نے حبا جنت کو بھائی سے الگ کیا اور بچی لے کرغائب ہوگیا جب کہ  حبا کا کمسن بھائی بہن کے پیچھے بھاگتا رہا۔

پولیس کے مطابق شاد باغ پولیس نے اغوا کا مقدمہ درج کرلیا ہے، بچی کے والد کا کہنا ہے کہ میری کسی سے دشمنی نہیں ہے، بچی کا والد نعمان لوہے کا کاروبار کرتا ہے۔ پولیس کا کہنا ہے کہ اغوا کار کی ہلکی داڑھی ہے اور سر پر ٹوپی پہن رکھی ہے، سفید رنگ کی شلوار قمیض پہنے اغوا کی عمر 40 سے 45 سال کے درمیان ہے۔

The post لاہور سے 3 سالہ بچی کو اغوا کرلیا گیا appeared first on ایکسپریس اردو.

from ایکسپریس اردو http://bit.ly/2JwCf1P
via IFTTT