لاہور: پاکستان مسلم لیگ ن کی سینئر نائب صدر اور چیف آرگنائزر مریم نواز عمرہ ادائیگی کے بعد وطن واپس پہنچ گئیں۔
ایکسپریس نیوز کے مطابق پاکستان مسلم لیگ ن کی سینئر نائب صدر اور چیف آرگنائزر مریم نواز عمرہ ادائیگی کے بعد وطن واپس پہنچ گئیں۔ مریم نواز غیرملکی ایئرلائن کی پرواز ایس وی 738 کے ذریعے جدہ سے لاہور کے علامہ اقبال انٹرنیشنل ایئرپورٹ پہنچیں۔
مریم نواز کے ہمراہ ان کے دیگر اہلخانہ بھی وطن واپس پہنچ گئے، مریم نواز 11 اور 12 اپریل کی درمیانی رات کو لاہور سے جدہ روانہ ہوئی تھیں، انہوں نے رمضان المبارک کا آخری عشرہ اپنے والد نواز شریف و دیگر اہلخانہ کے ہمراہ حریمین شریفین میں گزارا۔
یہ بھی پڑھیں: ن لیگ کی رہنما مریم نواز عمرہ کی ادائیگی کیلیے سعودی عرب پہنچ گئیں
مریم نواز اور نواز شریف سعودی عرب میں شاہی خاندان کے خصوصی مہمان تھے، نواز شریف اور مریم نواز نے سعودی شاہی قیادت سے ملاقاتیں بھی کیں۔
پارٹی ذرائع کے مطابق مریم نواز کے والد نواز شریف جدہ سے لندن پہنچ چکے ہیں اور مریم نواز کل سے ہی اپنی سیاسی مصروفیات کا آغاز کریں گی۔
The post مریم نواز عمرہ ادائیگی کے بعد وطن واپس پہنچ گئیں appeared first on ایکسپریس اردو.
from ایکسپریس اردو https://ift.tt/MpvsUbZ
via IFTTT
No comments:
Post a Comment