بولی ووڈ اداکارہ سشمیتا سین کو نیا ہمسفر مل گیا؟ ایکسپریس اردو

مالے/ممبئی: انڈین پریمیئر لیگ کے بانی اور معروف تاجر للت مودی نے بالی ووڈ اداکارہ سشمیتا سین کو اپنا ہمسفر منتخب کرنے کا اعلان کردیا۔

غیر ملکی میڈیا کے مطابق معروف بھارتی تاجر ان دنوں مالدیپ میں اپنی نئی ہمسفر چھٹیاں گزار رہے ہیں اور وہ ہمسفر کوئی اور نہیں بلکہ 1994 میں حسینہ عالم کا مقابلہ جیتنے والی سشمیتا سین ہیں۔

جی ہاں سوشل میڈیا پر بھارتی اداکارہ سشمیتا سین کے حوالے سے خبریں گردش کر رہی ہیں کہ انہوں نے انڈین پریمیئر لیگ (آئی پی ایل) کے بانی چیئرمین و نامور تاجر للت مودی سے خاموشی سے شادی کرلی ہے۔

ان خبروں کی ابتداء للت مودی کے انسٹاگرام اکاؤنٹ پر سشمیتا اور للت کی تصاویر شیئر ہونے کے بعد ہوئی، انہوں نے اپنی پوسٹ شیئر کیساتھ کیپشن دیا کہ ’ابھی ابھی ورلڈ ٹور سے لندن واپس آیا ہوں، یہاں میں اپنی (better half) سشمیتا سین کا تذکرہ کرنا چاہوں گا، بالآخر ایک نئی زندگی کی شروعات ہوگئی ہے، لگتا ہے میں چاند سے بھی اوپر ہوں‘۔

للت مودی کی اس پوسٹ نے تہلکہ مچا دیا اور سوشل میڈیا صارفین سمیت صحافت کے بڑے اداروں نے بھی یہ کہنا شروع کردیا کہ اداکارہ خاموشی سے للت مودی کیساتھ رشتہ ازدواج میں منسلک ہوگئی۔

سوشل میڈیا پر افواہیں گردش کرنا شروع ہوئیں تو للت مودی نے ایک اور پوسٹ شیئر کی جس میں وضاحت دیتے ہوئے کہا ’ابھی شادی نہیں ہوئی لیکن وہ بھی جلد ہی ہوجائے گی، فی الحال ہم صرف ایک دوسرے کیساتھ ہیں‘۔

اس مرتبہ پوسٹ شیئر کرتے ہوئے بھارتی تاجر نے better half کی جگہ better looking partner لکھ دیا۔

The post بولی ووڈ اداکارہ سشمیتا سین کو نیا ہمسفر مل گیا؟ appeared first on ایکسپریس اردو.

from ایکسپریس اردو https://ift.tt/71Jd8MN
via IFTTT