لاہور: سیاست کے باعث مشکلات میں گھری پاکستان فٹبال کیلیے اچھی خبر آگئی، ملکی تاریخ میں پہلی بار فیفا کی خاتون ریفری پاکستان کے دورے پر 2 دسمبرکو پاکستان پہنچیں گی۔
گلیکسی اسپورٹس اکیڈمی کی چیف آپریٹنگ آفیسر انٹرنیشنل ہاکی پلیئر رابعہ قادرکی دعوت پر جنوبی افریقہ سے تعلق رکھنے والی فیفا ریفری اکھونہ ماکالیما پاکستان میں قیام کے دوران خواتین کو کھیل کے میدان خصوصاً فٹبال میں کیریئربنانے کیلیے رہنمائی فراہم کے ساتھ ساتھ نوجوانوں کوٹریننگ اور ریفرینگ کے حوالہ سے آگاہی پروگرام بھی منعقد کریں گی۔
اکھونہ ماکالیما کے پاکستان میں قیام کو مزید موثر بنانے کیلیے گلیکسی اسپورٹس اکیڈمی نے پاکستان میں کھیلوںکے فروغ کے حوالہ سے نرسری کا درجہ رکھنے والے تعلیمی ادارے پنجاب یونیورسٹی سے اشتراک کیا ہے جہاں کھلاڑیوں کی بڑی تعداد ان کے تجربہ سے مستفید ہوگی اس کے علاوہ دیگر تعلیمی اداروں اور فٹبال کلبز کو بھی اس پروگرام میں شامل کیا گیا ہے تاکہ زیادہ سے زیادہ کھلاڑی بین الاقوامی معیار کی فٹبال ایکسپرٹ سے استفادہ حاصل کرکے ملک میں فٹبال کے فروغ کا باعث بنیں۔
گلیکسی اسپورٹس اکیڈمی کی سی ای او رابعہ قادر نے اس پروگرام کے حوالہ سے بات کرتے ہوئے کہاکہ اکھونہ ماکالیما کی پاکستان آمد یو ایس اسٹیٹ ڈپارٹمنٹ اور ٹینسی یونیورسٹی کے گلوبل اسپورٹس مینٹورنگ ایلومینائی پروگرام کے تحت عمل میں آرہی ہے جس کا مقصد دنیا میں خواتین کو کھیلوں کے ذریعے بااختیار بنانا ہے۔
انھوں نے کہاکہ بین الاقوامی سطح پر اپنی پہچان بنانے والی خواتین کی پاکستان آمد سے ہماری کھلاڑیوں میں بھی جذبہ پیدا ہوگا جس سے پاکستان میں کھیلوں کا معیار بلند کرنے میں مدد ملے گی۔
پنجاب یونیورسٹی کی ڈائریکٹر اسپورٹس طاہرہ سلیم کا کہنا ہے کہ ہمارا دارہ قیام پاکستان کے آغاز سے لیکر آج تک تعلیمی میدان کے ساتھ ساتھ کھیلوں کے فروغ کیلیے کوشاں ہیں جہاں مردوں کے ساتھ ساتھ خواتین کو بھی یکساں سہولیات فراہم کی جاتی ہیں۔
انھوں نے کہاکہ اکھونہ ماکالیما کی آمدسے ہمارے کھلاڑیوں کو کھیل اور ریفرینگ کے شعبہ میں جدید تربیت کا موقع ملے گا پنجاب یونیورسٹی کا بین الاقوامی معیار کے اس پروگرام کے ساتھ منسلک ہونا باعث مسرت ہے۔
The post فیفا خاتون ریفری کل پاکستان پہنچیں گی appeared first on ایکسپریس اردو.
from ایکسپریس اردو https://ift.tt/35QJ9pO
via IFTTT
No comments:
Post a Comment