آج کا دن کیسا رہے گا ایکسپریس اردو

حمل:
21مارچ تا21اپریل

نیا کاروبار کرنا چاہتے ہیں تو ایسا کام کریں جس میں زیادہ بھاگ دوڑ نہ کرنی پڑے کاروبار وہی کامیاب ہو سکے گا جس میں آپ کا دخل زیادہ ہو اور اس کاروبار کو اچھی طرح سمجھتے ہوں۔

ثور:
22 اپریل تا 20 مئی

کوئی بھی موقع ہاتھ سے نہ جانے دیں اور ہر کام جلدی کریں تاکہ توقع کے مطابق استفادہ کرتے رہیں، اگر آپ نے یہ بہتر وقت یوں ہی گزار دیا تو پھر بڑی جدوجہد اور بھاگ دوڑ کے بعد ہی کچھ حاصل ہو سکے گا۔

جوزا:
21 مئی تا 21جون

ملازمت میں اہم تبدیلی ہو سکتی ہے لیکن یہ تبدیلی آپ کے لئے زیادہ فائدہ مند ثابت نہ ہو سکے گی، بعض اہم کاموں کے سلسلے میں آپ کی جمع شدہ پونجی اہمیت خیز ثابت ہو سکتی ہے اپنے اخراجات کم سے کم کر دیجئے۔

سرطان:
22جون تا23جولائی

شریک حیات کے ساتھ اچھا سلوک کیجئے اگر وہ کسی بھی وقت زیادتی بھی کر دیں تو صبر سے کام لیں بفضل خدا آپ کی یہ کاوشیں رائیگاں نہیں جائیں گی، گھریلو ماحول خاصا خوشگوار ہو سکتا ہے۔

اسد:
24جولائی تا23اگست

آپ کے دماغ پر لاحاصل سوچوں کا غیر معمولی بوجھ رہے گا، آپ فوری طور پر ان سے چھٹکارہ پانے کی کوشش کیجئے، عشق کے سلسلے میں بھی اعتدال کا راستہ اختیار کریں۔

سنبلہ:
24اگست تا23ستمبر

کوئی بھی کام خواہ وہ کتنی ہی معمولی نوعیت کا کیوں نہ ہو، انتہائی جدوجہد کے بعد تکمیل تک پہنچ سکے گا بلکہ بعض کاموں میں تو انتہائی کوشش اور محنت کے بعد بھی ناکامی کا سامنا کرنا پڑ سکتا ہے۔

میزان:
24ستمبر تا23اکتوبر

بسلسلہ جائیداد بنایا ہوا پلان منشاء کے مطابق عملی شکل اختیار کر سکتا ہے قریبی رشتہ داروں سے اختلافات بڑھ سکتے ہیں، اپنی صلاحیتوں کو پورے اعتماد سے بروئے کار لاتے رہیں تو پھر حالات زیادہ نہیں بگڑیں گے۔

عقرب:
24اکتوبر تا22نومبر

خود کو کبھی احساس کمتری کا احساس نہ ہونے دیں آپ اعلیٰ صلاحیتوں کے مالک ہیں جو چاہے کر سکتے ہیں پھر اس قسم کے جذبے یا احساس کے چنگل میں خود کو پھنسائے رکھنا کہاں کی عقلمندی ہے۔

قوس:
23نومبر تا22دسمبر

آمدنی میں بھی غیر معمولی اضافہ ہو سکتا ہے لیکن شرط یہ ہے کہ ہر کام میں مکمل احتیاط رکھتے ہوئے قدم آگے بڑھایا جائے شریک زندگی وہی فریق بن سکتا ہے جسے آپ پسند کرتے ہیں۔

جدی:
23دسمبر تا20جنوری

آپ اپنی دیرینہ سکیموں کو عملی شکل دے کر کسی نہ کسی حد تک کامیابی ضرور حاصل کر سکیں گے دوستوں سے وابستہ توقعات پوری ہو سکتی ہیں مخالفین سے غیر متوقع صلح کے امکان کو رد نہیں کیا جا سکتا ہے۔

دلو:
21جنوری تا19فروری

کاروباری سکیموں کو فوری طور پر عملی جامہ پہنا دیں۔ حتی الامکان اخراجات گھٹا دیجئے تاکہ بچت میں بتدریج اضافہ ہو سکے کیونکہ آپ کو کسی اہم موقع پر رقم کی ضرورت محسوس ہو سکتی ہے۔

حوت:
20 فروری تا 20 مارچ

جن واقعات اور ناکامیوں کا سامنا کرنا پڑا انہیں فراموش نہیں کیا جا سکتا ہے بعض اہم کاموں میں مشکلات بڑھنے کا سبب آپ کا مزاج بھی رہا ہے اگر آپ جذباتیت کا مظاہرہ نہ کرتے تو صورتحال بدل جاتی۔

The post آج کا دن کیسا رہے گا appeared first on ایکسپریس اردو.

from ایکسپریس اردو https://ift.tt/35tFyP7
via IFTTT