اسلام آباد: وزیراعظم عمران خان نے کہا ہے کہ اپوزیشن کے ساتھ ملنے والے ضمیر فروش خود بے نقاب ہوگئے، اپوزیشن کی اس چال کے باوجود جیت ہماری ہی ہوگی۔
ایکسپریس نیوز کے مطابق وزیراعظم کی زیر صدارت ترجمانوں کا اجلاس ہوا، جس میں عمران خان نے مشیروں، معاونین اور ترجمانوں سے نئی سیاسی صورت حال پر گفتگو کی۔
ذرائع کے مطابق وزیراعظم نے پی ٹی آئی کے سندھ ہاؤس میں موجود باغی اراکین کے سامنے آنے پر کہا کہ ’اچھا ہوا یہ سب ہوگیا، اس سے ضمیر فروش خود بے نقاب ہوگئے، اپوزیشن کی اس چال کے باوجود تحریک عدم اعتماد ہم جیت رہے ہیں‘۔
مزید پڑھیں: وزیراعظم کا پی ٹی آئی کے منحرف اراکین اسمبلی کیخلاف کارروائی کا فیصلہ
اجلاس میں شیخ رشید کی سندھ میں گورنر راج کی تجویز پر وزیراعظم خاموش رہے جبکہ ترجمانوں نے عمران خان سے نمبر گیم پر مختلف سوالات بھی کیے۔ جس پر انہوں نے تسلی رکھنے کا کہتے ہوئے کہا کہ تسلی رکھیں جیت ہماری ہوگی۔ عمران خان نے مزید کہا کہ کسی طور پر بھی اپنے نظریے سے پیچھے نہیں ہٹوں گا اور نہ ہی ان حرکتوں سے بلیک میل ہوں گا۔
واضح رہے کہ آج شام سیاسی منظر نامے پر تازہ ترین پیش رفت اُس وقت سامنے آئی جب حکمران جماعت تحریک انصاف کے نورعالم سمیت 25 ایم این ایز سندھ ہاؤس اسلام آباد میں کھل کر عمران خان کی مخالفت میں میڈیا کے سامنے آئے۔
The post اپوزیشن کے ساتھ ملنے والے ضمیر فروش خود بے نقاب ہوگئے، وزیراعظم appeared first on ایکسپریس اردو.
from ایکسپریس اردو https://ift.tt/MLi42C8
via IFTTT
No comments:
Post a Comment