رتودیرو؛ ایچ آئی وی ایڈزنے ایک اورمعصوم کی جان لے لی ایکسپریس اردو

لاڑکانہ:  رتودیرو میں ایچ آئی وی ایڈز نے ایک اور معصوم کی زندگی لے لی، میرل جکھرو محلہ کے رہائشی منظور شاہ کی 7 ماہ کی بیٹی بی بی ہما شاہ زندگی کی جنگ ہار گئی۔

3 ماہ میں مرنے والوں کی تعداد 25 ہو گئی 23 بچے شامل ہیں، ایچ آئی وی ایڈز میں مبتلہ 7 سالہ بچی ہما کو پی پی ایچ آئی نے ایچ آئی وی پازیٹو جبکہ سندھ ایڈز کنٹرول پروگرام نے رپورٹ منفی دی تھی، تیسری بار بچی کی ایچ آئی وی رپورٹ آغا خان سے کروانے پر مثبت آئی جسے سندھ ایڈز کنٹرول پروگرام نے ماننے سے انکار کیا، متوفی بچی بی بی ہما شاہ کے والد سید منظور شاہ کا کہنا ہے کہ تین بار ایچ آئی وی رپورٹ کروائی گئی، ایچ آئی وی آؤٹ بریک کی تحقیقات کے لئے آنے والے ماہرین بھی ہمارے گھر تشریف لائے بچی کی رپورٹس دیکھیں اور علاج کے لئے لاڑکانہ میں قائم ٹریٹمنٹ سینٹر بھیجا تاہم ہمیں ادویات نہیں دی گئیں۔

ادھر ادھر رلایا گیا لیکن علاج نہیں دیا گیا اور میری بیٹی فوت ہو گئی، واضح رہے کہ 3 ماہ کے دوران مرنے والے ایچ آئی وی متاثرین کی تعداد 25 ہو گئی جس میں 23 بچے شامل ہیں، 2 ماہ سے زائد عرصہ میں تحصیل اسپتال رتودیرو اور گردونواح میں 30 ہزار سے زائد افراد کی بلڈ اسکریننگ کی گئی ہے جس میں اب تک 877 افراد ایچ آئی وی پازیٹو آ چکے ہیں جس میں سب سے زیادہ تعداد بچوں کی ہے، علاوہ ازیں ایچ آئی وی صورتحال پر ذمہ داران موقف دینے دے انکاری ہیں بارہا فون اور میسجز کے باوجود جواب نہیں دیا جاتا ان کا کہنا ہے کہ انہیں کسی بھی موقف سے منع کیا گیا ہے۔

The post رتودیرو؛ ایچ آئی وی ایڈزنے ایک اورمعصوم کی جان لے لی appeared first on ایکسپریس اردو.

from ایکسپریس اردو https://ift.tt/300M2S4
via IFTTT