لندن: یوکرین کے ساتھ جاری جنگ کے تناظر میں انگلش پریمئیر لیگ کے حکام نے روسی براڈکاسٹرز کے ساتھ معاہدہ ختم کردیا۔
انگلش پریمئیر لیگ کی انتظامیہ کا کہنا ہے کہ تمام اسٹیک ہولڈرز کی میٹنگ لندن میں ہوئی، جس میں 20 کلبز نے فیصلہ کیا کہ روسی براڈکاسٹرز کے ساتھ معاہدے کو ختم کردیا جائے۔
حکام نے اس بات کا بھی فیصلہ کیا ہے کہ روسی براڈکاسٹ پارٹنر (اوکو اسپورٹ) کے ساتھ ہمارے معاہدے کو فوری طور پر معطل کیا جارہا ہے جبکہ یوکرین کے لوگوں کی مدد کے لیے 13 لاکھ ڈالرز عطیہ کیے جائیں گے۔
لیگ کے آغاز سے قبل تمام کلبز کے کپتان، مینیجرز اور میچ آفیشلز یوکرینی عوام سے اظہار یکجہتی بھی کریں گے جبکہ لیگ کے دوران بڑی اسکرین پر یوکرینی جھنڈے کے رنگ بھی آویزاں کیے جائیں گے۔
The post انگلش پریمئیر لیگ نے روسی براڈ کاسٹرز کے ساتھ معاہدہ معطل کردیا appeared first on ایکسپریس اردو.
from ایکسپریس اردو https://ift.tt/OxaEY7s
via IFTTT
No comments:
Post a Comment