احتساب عدالت میں سیٹھ عابد کے داماد کیخلاف کرپشن ریفرنس دائر ایکسپریس اردو

 لاہور:  نیب نے سیٹھ عابد کے داماد کے خلاف احتساب عدالت میں ریفرنس فائل کر دیا جب کہ مظہر رفیق کا ریفرنس 20 ہزار صفحات اور 60 فولڈرز پر مبنی ہے۔

نیب لاہور نے سیٹھ عابد کے داماد مظہر رفیق کے خلاف اربوں روپے کے کرپشن کیس میں ریفرنس دائر کیا ہے جس میں کہا گیا ہے کہ مظہر رفیق نے سادہ لوح شہریوں سے 2 ارب 29 کروڑ 30 لاکھ 56 ہزار کا فراڈ کیا، نیب نے مظہر رفیق کے خلاف سیکڑوں شکایات موصول ہونے پر 2017 میں انکوائری کا آغاز کیا۔ مظہر رفیق ایم آر سیکیورٹیز کے نام سے اسٹاک ایکسچینج میں کام کرتا تھا، ملزم نے سادہ لوح شہریوں کو منافع کا لالچ دے کر 2 ارب 29 کروڑ 30 لاکھ 56 ہزار کا فراڈ کیا۔

ایڈمن جج جواد الحسن نے ریفرنس جج محمد وسیم اختر کو بھیج دیا۔

The post احتساب عدالت میں سیٹھ عابد کے داماد کیخلاف کرپشن ریفرنس دائر appeared first on ایکسپریس اردو.

from ایکسپریس اردو http://bit.ly/2Ig8IGt
via IFTTT