واٹس ایپ میں میسج اور کال کرنا اور بھی آسان ایکسپریس اردو

سان فرانسسكو: آئی فون میں پیغام رسانی کی ایپ واٹس ایپ استعمال کرنے والے صارفین کو ورچوئل وائس اسسٹنٹ ‘سری’ پیغامات پڑھنے اور کال کرنے میں مدد فراہم کرے گی۔

میڈیا رپورٹ کے مطابق واٹس ایپ پر سری کے ذریعے ناصرف پیغامات بھیجے جاسکیں گے بلکہ یہ میسجز پڑھ کر بھی سنائے گی، آئی فون صارفین کو سری کی مدد سے کال کی سہولت بھی فراہم کی گئی ہے۔

رپورٹ میں بتایا گیا کہ سری کی یہ نئی سہولت آئی فون کے آپریٹنگ سسٹم ‘آئی او ایس 10.3’ اور اس کے بعد کے ورژن میں موجود ہے۔ وائس اسسٹنٹ بلند آواز میں واٹس ایپ پیغام پڑھ کر سنائے گی۔

سری اَن رِیڈ میسجز(نہ پڑھے گئے پیغامات) کو آواز کے ساتھ پڑھے گی، واٹس ایپ پر نئے میسجز آنے کی صورت میں نوٹیفکیشن موصول ہوتا ہے اور ایپ کھولنے پر نوٹیفکیشن غائب ہوجاتا ہے، ان ریڈ میسجز نہ ہوں تو وائس اسسٹنٹ کا پیغام پڑھنے کا سسٹم کام نہیں کرے گا۔

نئی سہولت کو استعمال کرنے کا طریقہ

سب سے پہلے آئی فون میں واٹس ایپ ڈاؤن لوڈ کریں پھر موبائل کی سیٹنگ میں جائیں جہاں ’سیئنگ سری‘ کا آپشن آئے گا اسے کلک کرکے ٹرن آن کرلیں، بعد ازاں واٹس ایپ کو سری کے ساتھ استعمال کرنے کے لیے ٹرن آن کردیں۔

The post واٹس ایپ میں میسج اور کال کرنا اور بھی آسان appeared first on ایکسپریس اردو.

from ایکسپریس اردو https://ift.tt/I3Lg5xe
via IFTTT